龍門冰室 (已結業)

香港有好多茶餐廳，不過冰室就少之又少了，我自己鍾意冰室多過茶記，因為冰室既紅豆冰質素絕對有水準！今日食咗個自選撈丁餐，份量係大大份，所以唔洗擔心唔飽，我揀咗炒蛋白同雞脾，炒蛋白好滑而且好香，雞脾好大舊而且好好味，d鹵水入曬味，可以講成個餐既精髓，d肉好滑而且好易咬。餐飲方面，我揀咗紅豆冰，好特別同出面飲開既唔同，飲落去好香好滑，而且都幾多紅豆，可以邊飲邊食，紅豆粒粒分明，而且唔散，我就係鍾意ed大大粒既紅豆！