龍門冰室 (已結業) 查看

落雨就唔想行咁遠，第一個諗到嘅地方就係呢度。喺觀塘區嚟講，呢度啲嘢算係又抵食但係又唔難食㗎喇，$37就有咁多嘢，ok啦😌每次嚟嘅度我都會揀呢個餐，唔係配雪菜肉絲米就係配沙爹牛肉公仔麵， 不過每次食完沙嗲牛麵都會頂住個肚，所以今次食雪菜肉絲米無咁飽😅炒蛋白幾滑，唔算太油膩，反而覺得個奶醬多差咗，唔係奶醬🙄 雪菜肉絲米的雪菜幾爽口。檸茶今次好食咗，唔會有苦澀味。

無論係同事或者朋友，都不約而同話我屋企附近好多餐廳，不過老公就覺得茶餐廳就比較少，所以我哋呢日貼地啲，到呢間離家不算太遠的享用晚飯。因為土地問題，餐廳的空間較小，不過最特別的就是左右兩幅碧咸的掛圖，跟餐廳名稱 "龍門" 很貼題，亦都睇到呢度的老板對咸爺有幾咁鍾意。看下餐牌，份量也很多，價格也很貼地。他點了個 珍珠鐵皮飯晚餐，呢個晚餐有幾個款式，而他選了 豬頸肉拼炸帶子 配 龍蝦汁。上枱時仲見到個汁滾緊的，無論係豬頸肉、帶子同個飯的份量多到呢~咀嚼時感覺很軟熟，很有親切感的。而我的就是 傳統英式早餐，裡面有 炒滑蛋、德國紐倫堡腸、煙三文魚、煙肉、大蘑菇、薯餅、焗豆 和 多士。另外仲有湯和粟米。很有本土的味道，超越了一般女生的食量。跟餐仲有餐飲，我們分別點了 可樂 和 熱利賓納，整個餐是非常抵食。

前天去探望朋友，朋友帶了我們一共三人去他家附近的龍門冰室吃晚餐。龍門冰室擺設簡約，卻也不失冰室的風格。我們決定一起吃一個星級扒餐和其他小吃。起初我們沒有仔細看星級扒餐所含的食物，當食物送上來時，我們眼前是不同種類的肉：西冷扒，雞排，煙三文魚，炸帶子等等。真是給足料！一個餐足夠兩三人份量，還配有餐湯和飲品，98元超值! 我們要了龍鳳檸樂。可樂中夾雜著檸檬的酸味和青檸的鹹味，真的很好喝。沒想到份量之大，所以當時還點了個蜜糖雞翼，味道其實很不錯，難怪朋友在推介。由於剛才實在吃了太多肉類，所以我們點了一個芝士焗西蘭花。每一個西蘭花都黏著芝士，吃的時候還有芝士滴下來。芝士的味道加上清淡的西蘭花，與我以前吃過的西蘭花的味道與眾不同，很獨特。最後我們點了個Q版小食—炸天婦羅蝦。天婦羅蝦的外皮炸得十分鬆脆可口，一咬下去，天婦羅蝦的皮和肉便分開了。蝦肉也很爽口。正!今天實在吃得很滿足。

牛頭角龍門冰室，今次係慕名而去，之前係openrice見食評話佢地既豬仔包好食，咁岩同阿女去開附近，就去試試。間野裝修都幾好，唔似一般茶記無咩靚裝飾，有我那些年既足球明星碧咸既大頭相，仲會播英文歌，環境整體干淨。同阿女兩個人唔食得太多野，所以叫左一份香脆豬扒包餐，加6蚊配左杯紅豆冰俾阿女。個包真係好好食，又厚又長，好脆，肉唔太厚但份量足夠，無油膩感，加埋菜同牛油，又爽口又香，果然無叫錯。唯一唔完美既係個面有少少烘耐左，有少少黑，未至於有大影響。另外仲叫左一份芝士焗西蘭花、一份黑松露薯條，再叫左杯龍鳳檸樂。個西蘭花熱辣辣，真係即叫即焗，幾爽口，搞到阿女同我爭食；個薯條唔算好突出，係個黑松露醬就好少茶餐廳可以叫到，係特色，味道可以。杯龍鳳檸樂係咸檸配檸檬，俾罐裝可樂自己倒入杯內，阿女見到咁就搶左黎飲，話咸咸甜甜好飲喎。

其實個人都鍾意去茶餐廳或者冰室。今次又有機會試喇。今次呢到好啱鍾意碧咸嘅球迷，因為周圍都係佢嘅人像壁畫。之後叫咗一個常餐，揀左有3.6牛乳炒蛋配油占多士同埋沙嗲牛肉通粉。炒蛋🍳好香好滑🍼味道唔錯。油占多🍞夠厚身，有厚度先夠候同埋好似符合多士嘅感覺，鍾意厚身嘅麵包。另外鍾意🌶🌶既我就叫左麻辣肥牛米線湯底係用清湯為主。之後上面就有好多好惹味嘅同吸引既麻辣醬，可能會適合一d唔係食得太辣既人，因為佢嘅好處係又有辣亦都有鮮味嘅清湯，咁兩者二合為一就會恰到好處。飲品方面就想試龍鳳檸樂🍋好耐，因為又鍾意青檸嘅清新又鍾意檸檬嘅酸味，兩樣嘢夾埋就啱啱好。餐廳嘅青檸就係用咗類似咸零七嘅醃漬制青檸，咁可能更加有功效。再想食多少少就叫咗小食，雞翼方面都有好多選擇有炸、滷水、瑞士🇨🇭、蜜糖🍯椒鹽五個選項。選擇好多，方便可以叫到唔同嘅小食分享。瑞士雞翼汁味道唔錯，味道夠，帶啲甜味先係瑞士汁精粹！真係好傳統嘅瑞士汁，坊間好少食到咁足味嘅瑞士汁因多數係偏淡同埋太稀可能只有豉油味。但係呢度真係有個種傳統瑞士風味真係好符合預期，名實相稱。餐廳整體好處嘅係，調味味道方面適中，唔會太過濃，適合而家追求講究生活質素，繁忙得來又

龍門冰室愈開愈多，口碑也不錯，以價廉物美見稱。通常唔想煮飯，就會走去龍門冰室，貪求快靚正。選擇雖然多，但我每次左揀右揀到最後都係會揀返常餐，因為炒蛋厚多實在太正。凍檸茶：跟餐凍飲+$2用鋼杯係龍門冰室嘅特色之一，唔止飲落口夠凍，連摸上手都凍冰冰。紅豆冰 $20冰室又點會少得紅豆冰？奶、糖、紅豆的比例唔錯，是餐飲也是甜品的好選擇。常餐沙嗲鮮牛肉湯麵 $36又一冰室必叫的鐵膽，龍門沙嗲醬的花生味特別突出，很香口。常餐奶醬厚多士配3.6北海道牛乳炒蛋厚厚的方包烘過，炒蛋形狀也是龍門的另一特色，像玉子燒一樣。勁多煉奶同花生醬，濃味怪至愛！炒蛋夠嫩，而且蛋味香濃，真係超水準之作！黑松露芝士焗雜菌西蘭花 $48黑色一點點的不是黑椒，是黑松露碎，上菜時傳來菇的香味。西蘭花和雜菌淋滿白汁，再灑上芝士和黑松露去焗，又香又可口。呢碟菜無論份量、味道同價錢都無話可說，細食嘅話，淨係嗌呢碟都夠晒。兩個人先一舊水，抵到爛。

話說尼到雨季真係唔鐘意出門口，今日落完雨就興起，出去行左一圈.又心郁郁想飲奶茶，於是去左茶記，係牛頭角出站行一段路仔就到。話說果頭開左好多大大間既茶餐廳，但係龍門冰室唔算大，入面十枱左右啦，但係都係滿座既。多人既時候要搭枱。但坐得舒服既，多人，大既地方反而有種壓迫感。近住世界盃既日子，尼呢到食番餐都幾開心，上面有好多關於足球既小擺設，有碧咸既大大人像兩幅。望左望厚到有十幾版既menu,真係會有選擇困鞋症，因為款款睇落都好吸引。另外，晚餐既價錢呢講，呢到真係好平，平野好似炒粉面，咖哩飯等先40 靚蚊，貴都係60 幾蚊，仲要有配野飲。食物質素都唔差架！叫左個雜扒薯菜餐同埋個珍珠吉列豬扒香腸飯，薯菜餐有跟碗湯。先尼左碗白湯，正常餐廳會用金寶罐頭開稀，但係呢個好特別，陣味有d唔同，飲落雞湯既味比較重，係好飲既個奶茶有d水，個人鐘龍飲濃茶奶既分量。等等等等，因為佢地真係好忙啊，過左良久先尼到，但一d都冇失望，連塊豬扒都係即叫即炸，冇過貪快整定，好好味啊，個咖哩汁同平時食開既有d唔一樣，我諗簡其他醬汁會好味d. 純綷係自己有吉列豬一定要配咖哩既執著，其實燒汁啊，芝士汁又特別，又好味。係脆卜卜，入面

幾姊妹陪媽咪係觀塘道某大廚具公司shopping後，去左牛頭角道嘅龍門冰室開餐。店舖雖然細細哋，但坐落舒服吾逼。牆壁上大大個黑色鋪名跟白色的牆身成對比，好顯眼！ 打開餐牌，好多選擇:「常餐」「精選午餐/晚餐」「推介」「套餐」「全曰供應」「是日餐湯+沙律」「流心奄列餐」「鐵板餐」「小食」「飲品」同「甜品」，梗有一款啱你！ 老人家習慣左要有飯到肚，叫左碟照燒汁雞扒滑蛋飯配熱可力。雞扒大大塊， 煎蛋份量都唔少，落足本 。再加碟全走生菜，生菜青綠爽脆！ 大家姐叫左個蕃茄濃湯米線配3.6北海道牛乳炒蛋加叉燒，同熱華田。佢話蕃茄湯底好濃且酸甜適中，米線爽口，炒蛋香滑，叉燒够瘦。用個「勺子」裝住上，好特別！ 細家姐就叫左個奄列餐配凍檸水。佢話蛋煎到好嫩滑，厚多士焗到金黃香脆，再揸上香甜花生醬同煉奶，無得頂喎！當真？我試左一啖，果然(無得頂)!凍檸水大大杯，都有好幾片檸檬。 而我就叫左個香脆魚柳包餐配杏仁霜。個包即叫即做，好鬆軟脆卜卜，魚柳炸得好香脆，加埋D醬汁同新鮮生菜，好好味。杏仁霜濃香。 餐廳仲有咁多選擇，下次會再來試其他！值得一提係佢哋早餐時段延長至11:30，真係可以瞓晏D啦！

行過牛頭角，見到間餐廳叫龍門冰室，想起電影龍門客棧，就這樣走入去食晚餐。裝修好得意，地下是黑白方格瓷磚，好懷舊；牆上掛了兩位足球明星的相片，又好有現代感。最得意是廚房出菜位置上面，掛上他們餐廳的英文名LUNG MUN的牌匾，充滿中西混合味道。「肺話」太多，入正題講食物，以茶餐廳的水準，屬於很好! 我們三個人，點了不同的食物，家人點了常餐叉燒米線，自已沒試，聽他們說味道可以。 我喜歡吃面包，所以點火腿茄汁奄列配奶醬厚多士，35元包凍飲，多士烘的剛剛好，每一啖口感十足又微溫，奄列很滑，真的很滑，有上茄汁的微甜，正!再來個黑松露芝士焗雜菌西蘭花，西蘭花爽口，啖啖又有黑松露的香味，加埋芝士的香，三重享受!胃尚差一點才滿足，再點了一份咸牛肉芝士脆豬，嘩! 真的很合自己杯茶! 咸牛肉份量剛剛好，不多又不會太少，加上芝士的咸味，不會有太咸的情況，最最最推介是脆豬，真的是外脆內軟，即叫即準備，家人試了一點後，忍不著也點了個魚柳包，魚柳即炸，配上沙律醬和牛油，整個包有近3寸高，一樣十分好吃。每份配飲品都是三十元有找，比起大集團的價錢和味道，這裡更勝一籌。是真心推介一定要試!另外值得一提的是侍應們的服務也

觀塘出名茶廳多，但要搵到好食既就真係唔多！今日搵到呢間「龍門冰室」，餐廳環境同裝修遠勝同區舊式茶餐廳，由於同佢同等級數嘅茶餐廳唔多，食物種類又比一般茶餐廳為多，人流非常暢旺，晚市爆棚。餐廳做野好積極，啲嘢食出得快，溫度保持熱辣辣，好過一般茶餐廳整定晒凍冰冰。爵士西冷並香草腸鐵板餐買相唔錯，大大分，大食夾抵食，德國腸加兩塊西冷扒，配埋黑椒汁，簡直一流。仲有滿滿既粗薯條舖滿鐵板。絕對推介👍🏻珍珠鐵板牛仔肉拼炸蝦，牛肉佔左鐵板既一半，絕無足料。而炸蝦水準唔錯，一般茶餐廳食點都會食到雪藏味，龍門冰室相對上就冇呢種情況，值得一讚👍🏻而且有兩舊西蘭花，食完甘大碟肉有d菜落下肚幫助消化。嚟到記得飲佢哋嘅特飲龍鳳檸樂，落足料大大嚿鹹檸檬，絕對係誠意之作菠蘿冰特飲大大舊菠蘿，絕對解渴，又消暑😋

今晚約咗朋友去咗觀塘一間「龍門冰室」食晚餐,見到餐牌有上好多唔同種類嘅美食, 這間餐廳算是不錯的,可以推介給朋友來試。交通十分方便近港鐵站,行十幾分鐘就到。這餐廳都是做街坊生意所以價錢都好經濟實惠。套餐包咗餐湯。玉子燒餐$55黑松露野菌玉子燒配炸蝦撈丁,玉子帶著黑松露的味道,中間包住好多野菌 而且蛋好滑十分好味。黑椒牛扒炸蝦意粉$80意粉淋左少少，牛扒充滿肉汁, 非常惹味。黑松露意粉$78又係我至愛嘅黑松露不錯之選。黑松露芝士焗雜菌西蘭花$48雜箘同西蘭花沾滿了黑松露同芝士的香味,十分入味。

喺牛頭角附近收工，時間尚早，竟然仲趕得切食下午茶，快快手手行入牛頭角道嘅龍門冰室，趕喺下午茶時間完結之前平平哋食飽啲，當埋晚餐。一來早食飯容易啲消化，冇咁容易肥，二來下午茶餐又抵啲，早收工嘅好處其實真係好多。龍門冰室提供嘅，當然唔使止下午茶，有全日早餐、飯餐、麵餐，以至特色小食及意粉類等等。餐牌嘅設計都幾靚，唔似一般茶餐廳感覺，比較時尚。叫咗一客照燒汁雞翼炒烏冬(HKD33)，加杯凍檸茶少冰(加HKD2)。凍飲先上，用咗不銹鋼杯，冰凍效果更加突出。雞翼共有三隻，加少少菜同埋車厘茄，尚算豐富。烏冬夠熱，個汁有好重牛油味，食食吓突然有種罪疚感。份量都算多，男士可能會未飽哂，但我就覺得好足夠。餐具都放在櫃桶，自取即可，紙巾則要問侍應拎。

負評！！！！上錯餐同阿姐講，唔係我地要，仲要黑面，唔上返啱，當你透明，收銀阿姐語氣仲勁，覺得上錯餐講到好似客人唔啱咁，唔通上錯都要照食咩？，收銀個阿姐除左黑面收錢，就大大聲。負評呀！

來呢度食早餐，必叫炒蛋，超滑及很香蛋味Satay Beef 就普通左少少多士就好味，可以㨂二款，奶油，奶醬，占醬凍檸茶就失色少少，唔夠茶味 同埋沒叫少甜但次次好似冇落糖咁😂😂

突然之間好想食個港式鐵板，經過呢間餐廳，見到 佢個星級雜扒有西冷，雞扒，英式腸，炸帶子，仲有比較少喺港式扒餐裏面見到嘅煙三文魚添，我就知道係佢喇…餐湯係蕃茄羅宋湯，上枱嘅時候熱辣辣，有香濃既茄膏味，對於鍾意食湯渣嘅我，會覺得如果湯渣再多一啲相信會更加好。星級雜扒，一上枱已經被嗰朵由煙三文魚 整成嘅玫瑰花所吸引，估唔到茶餐廳都有咁嘅賣相，實在令人驚喜；雞扒經過兩面煎香，雞皮脆卜卜，英式腸腸衣堅韌，比起平時嗰啲雜扒嘅廚師腸味道更加豐富，西冷扒係大大嘅一塊，配合住我哋經典嘅港式黑椒汁，非常滿足。另外仲叫咗個黑松露薯條，薯條炸得脆身，上枱嘅時候仲係辣口㗎，個黑松露醬好 creamy，再唧啲茄汁間住嚟食就啱啱好喇。臨走見到隔離枱嗰個流心奄列亦都相當之吸引，下次要嚟試埋佢先得。