頤東酒家

營業中

休息中

由鳳城改名至頤東之後第一次幫襯，感覺上整體水準都唔錯，最精彩嘅要算係個冬瓜盅。5個人就訂咗個細size的，$380，就咁睇個價都唔平，不過食落就知道物有所值。佢個湯碗比白飯碗細少少，比飲茶食點心的一般酒樓碗大少少，一個細冬瓜盅大約都分到10-12碗左右，份量都唔少。無味精就必然係啦，佢嘅用料都幾講究，質素幾高，飲個湯夠清夠和味，夜香花粒粒都結實，唔會甩皮甩骨咁樣，而D香味都幾出。值得一讚係佢入面嘅蟹肉，好新鮮，如果可以比多少少就梗好。佢個冬瓜都揀得好，D瓜肉好嫩，無渣嘅，真係清甜美味。叉燒例牌基本上唔會令你失望，難得瘦叉燒都可以咁淋，而且都算香口。龍躉兩味係其中一個特價菜式，份量比想像中少，味道只屬一般，少少失望啦。西米布甸都係預訂的，如果焗燶D同焗乾身D會更加好食。