宮崎肉本舖 (已結業)

好耐無食過和牛，呢幾日天氣凍，突然好想食和牛鍋物，食完即刻暖立立。🔥去左銅鑼灣sugar + 既宮崎肉本舖，餐廳環境係和風優雅，窗口位既維園風景非常開揚。見到餐廳出咗新嘅鍋物午市定食，真系岩曬我心意。😍 定食有前菜、茶碗蒸，飲品或甜品（2選1）🥤跟餐飲品係可樂，🍧甜品系柚子雪葩。叫了2個sets share食。九州A5和牛西冷鍋 120g $598西冷油脂豐富，呈鮮嫩粉紅色。入口好似棉花糖，入口即溶。九州A5和牛壽喜燒鍋 100g $498和牛雪花紋理好細緻，可以撈日本雞蛋食更滑溜，配白飯及鍋裡蔬菜食好滿足。呢一餐勁回味😍下次再來。