影片
更多
2022-12-14
1598 瀏覽
最近天氣開始凍，就心郁郁想食羊腩煲暖下身，見到而家二鍋頭做緊「嚴選安格斯牛」同「特級極上牛」套餐，加$68就可以升級無限時任食羊腩煲，同時仲可以任食埋雞煲、鴨煲、豬手煲同埋打邊爐，超多選擇，可以一次過滿足3個願望，就即刻黎試下。暖笠笠羊腩煲份量非常大份，羊腩好多塊，連皮帶肉，食落肉質嫩滑，中間夾著肥膏，香口得黎又唔會太膩，非常可口，配料方面有竹筍、冬菇同腐皮，如果兩個人食唔曬，可以同店家講上半份。二鍋頭惹味雞煲食完羊腩煲已經有啲飽，於是就嗌半份雞煲黎過下癮，但半份雞煲都已經好足料，香辣惹味嘅雞煲啖啖肉，食得好滿足。嚴選安格斯牛火鍋放題前面唔敢放開食，就係為左留肚打邊爐，湯底有好多款，我地嗌左泰皇冬陰功鍋，淥海鮮同肉類一流。海鮮類都唔錯，食得出幾新鮮，活海蝦、活海蜆同水土魷都好出色。海蝦鮮甜彈牙，海蜆雖然比較細粒，但係食得出好新鮮，同冬陰功湯底更加係絕配，我地翻嗌左好多次，至於土魷表現更加出乎意料，口感超爽彈，味道鮮美。而安格斯牛水準都唔錯，睇落雪花都幾靚，油脂分佈均勻，肥瘦適中，食落肉香四溢，火鍋放題黎講真係幾唔錯。飲品選擇都唔少，有茶類、碳酸飲料、啤酒、涼茶等等可以揀，亦有雪糕雪條做
暖笠笠羊腩煲
份量非常大份，羊腩好多塊，連皮帶肉，食落肉質嫩滑，中間夾著肥膏，香口得黎又唔會太膩，非常可口，配料方面有竹筍、冬菇同腐皮，如果兩個人食唔曬，可以同店家講上半份。
二鍋頭惹味雞煲
食完羊腩煲已經有啲飽，於是就嗌半份雞煲黎過下癮，但半份雞煲都已經好足料，香辣惹味嘅雞煲啖啖肉，食得好滿足。
嚴選安格斯牛火鍋放題
前面唔敢放開食，就係為左留肚打邊爐，湯底有好多款，我地嗌左泰皇冬陰功鍋，淥海鮮同肉類一流。
海鮮類都唔錯，食得出幾新鮮，活海蝦、活海蜆同水土魷都好出色。海蝦鮮甜彈牙，海蜆雖然比較細粒，但係食得出好新鮮，同冬陰功湯底更加係絕配，我地翻嗌左好多次，至於土魷表現更加出乎意料，口感超爽彈，味道鮮美。
而安格斯牛水準都唔錯，睇落雪花都幾靚，油脂分佈均勻，肥瘦適中，食落肉香四溢，火鍋放題黎講真係幾唔錯。
飲品選擇都唔少，有茶類、碳酸飲料、啤酒、涼茶等等可以揀，亦有雪糕雪條做飯後甜品。
除左可以QR code落單，仲有自助區拎蔬菜、炸魚皮、丸類同面類。
張貼
