影片
更多
2021-12-31
80 瀏覽
呢幾日凍咗好多所以都係要打下邊爐，去開朗豪坊睇戲就睇下附近有咩食，見到有間火鍋收得比較遲，所以決定去食嗰間啦，見到門口好有宮廷嘅感覺，入到去就見到好大個龍頭喺度，入到去已經聞到好濃烈嘅四川麻辣火鍋嘅味道，座位非常寬敞，所以都坐得好舒服。店員有畀到餐單我，就好似皇帝睇嘅奏摺一樣，我見到佢枱上面有一個二維碼用微信點單可以送多杯汽水，就梗係用嗰個微信落單啦，見到個手機介面睇得舒服過用餐單，湯底就叫咗個藥膳湯底，叫咗個鵝腸，老友鬼鬼即係油炸鬼配墨魚滑，牛舌，和牛牛後腿，羊肉片，炸魚皮，豬腩肉，稻庭烏冬。醬料區嗰度見到唔同嘅醬料，亦都有四川風味嘅乾碟濕碟，不過自己就係揀咗佢嘅推薦配搭。可以拎埋圍裙，圍裙就好似啲小海盜咁好得意。湯底好快就到，然後佢個爐都好夠勁，所以勁快個湯底已經滾起。我同朋友都分別飲咗一兩碗湯，湯底好足料呀，唔同嘅藥材例如有淮山，龍眼，杞子，紅棗等等，我自己都食曬成鍋入面嘅龍眼同埋淮山，幾鍾意呢間餐廳可以半份半份咁叫，咁就可以叫更多唔同嘅食物，鵝腸半份份量都好足，而且亦都好夠長，煮熟咗亦都唔會算好縮水，和牛唔會有太肥膩嘅口感，羊肉片唔太騷，所以朋友都接受到，牛舌上面有啲辣油，但係
店員有畀到餐單我，就好似皇帝睇嘅奏摺一樣，我見到佢枱上面有一個二維碼用微信點單可以送多杯汽水，就梗係用嗰個微信落單啦，見到個手機介面睇得舒服過用餐單，湯底就叫咗個藥膳湯底，叫咗個鵝腸，老友鬼鬼即係油炸鬼配墨魚滑，牛舌，和牛牛後腿，羊肉片，炸魚皮，豬腩肉，稻庭烏冬。醬料區嗰度見到唔同嘅醬料，亦都有四川風味嘅乾碟濕碟，不過自己就係揀咗佢嘅推薦配搭。可以拎埋圍裙，圍裙就好似啲小海盜咁好得意。
湯底好快就到，然後佢個爐都好夠勁，所以勁快個湯底已經滾起。我同朋友都分別飲咗一兩碗湯，湯底好足料呀，唔同嘅藥材例如有淮山，龍眼，杞子，紅棗等等，我自己都食曬成鍋入面嘅龍眼同埋淮山，幾鍾意呢間餐廳可以半份半份咁叫，咁就可以叫更多唔同嘅食物，鵝腸半份份量都好足，而且亦都好夠長，煮熟咗亦都唔會算好縮水，和牛唔會有太肥膩嘅口感，羊肉片唔太騷，所以朋友都接受到，牛舌上面有啲辣油，但係碌落咗之後就唔會覺得好辣，之後點佢醬汁區一種自己調配好嘅香油都幾夾，朋友覺得稻庭烏冬落完之後可以索曬藥膳湯嘅湯底，麵質都幾好，夠煙靭；老友鬼鬼要個客話放喺湯嗰邊，唔係好易就會油炸鬼會過腍。啲碟上面都會有少少蔬菜，所以都唔會嘥，碌埋佢嚟食，會吸曬啱啱牛舌嘅辣油，所以就辣咗少少，所以就嗌咗佢嘅四川式甜品－冰粉，冰粉分量都唔錯上面有西瓜粒同埋提子，不過提子如果再多啲就好啦，加埋紅糖，成碗凍冰冰咁食即時解辣！
張貼
