鳥棲日本料理 (已結業)

今日同屋企人去左食日本餐 雖然位處工廈 但餐廳比人感覺好舒服 有小小音樂 同係坐梳化 高度又岩岩好：）所以整體感覺性價比好高 餐廳有好多款唔同既小食 有和牛串燒 明太子雞翼 明太子蛋卷 章魚小丸子 炸雞 等等 其中最鐘意既係磯燒鮑魚 好有咬口 好想再嗌 同埋蛋卷好滑 係有心機既蛋 唔係是但整果種 好正！而我最鐘意同最推介既係佢地d鍋物 我地叫左壽喜燒 松葉蟹海鮮煲 同埋蕃茄豚肉煲 講左壽喜燒先 同日本既都好似 點蛋汁 牛肉都唔un 幾爽口既 份量都ok d湯汁又好味 甜甜地咁 冬菇都好食 又有菜 而松葉蟹感覺都新鮮 又有帶子同蝦咁 鮮味一流 蕃茄豚肉就極滑 入口即融咁 蕃茄湯好香又開胃 熱辣辣冬天食真係岩哂 性價比極高 同埋自覺好岩一大班朋友聚會/情侶食 聖誕節係到玩埋交換禮物都仲得 😂