就是偏偏喜歡你 (已搬遷) 新店位置

就是偏偏喜歡你今次要介紹呢間冧女餐廳叫「就是偏偏喜歡你」，位置喺銅鑼灣百樂中心16樓，一出升降機就見到餐廳外面牆上勁多花花，無女嘅我表示邊個帶我去就一定會接受佢，哈哈！入到餐廳依然見到好多花花，嚟呢間餐廳真係好過送99朵玫瑰花，因為餐廳裝修充滿浪漫氣氛，一定唔只99朵花，我估超過999朵花佈滿餐廳周圍，餐廳叫野食係用手機掃QR code落單，正當我望下其他人叫咩野食多時，店員就同我講「意式香草烤春雞」已經賣哂，全場幾乎9成人都有叫，得我走咗寶，唯有轉叫其他野食啦！😔👉👈1.鮮大蝦龍蝦汁米意粉+精選餐湯$188（9/10）第一次食米意粉，初初明明叫咗意粉，點解變成飯嘅，問一問店員原來呢碟叫米意粉，米意粉個口感似食緊意大利飯咁，飯粒大粒，每啖飯都有龍蝦汁味道，其他仲有1隻新鮮彈牙嘅大蝦、4隻彈牙嘅蝦仁同切咗片嘅冬菇等！精選餐湯：係南瓜湯，南瓜味非常濃稠，仲食到南瓜籽，勁香勁似瓜子，可能近新年啦！😂😂😂2.菠蘿照燒雞漢堡+精選餐湯$138（10/10）呢個菠蘿照燒雞漢堡係即叫即製，大約要等15分鐘，黑色漢堡包皮有少少脆， 入面夾住照燒嫩滑雞、一大片菠蘿、蕃茄同生菜等， 成個burger好ju