622
15
3
港鐵銅鑼灣站 A 出口, 步行約4分鐘 繼續閱讀
電話號碼
62268800
開飯介紹
人氣的粉紅花花森林餐廳,為素食友善餐廳,致力推動多元共融。餐廳由十多年經驗花藝師主理,設有多個打卡位,打卡位定期更新,讓客人帶來新鮮感。特色的人名花牆,可透過網上投票或包場設定,餐廳更可指定坐位,非常適合慶祝活動。特色飲品及甜品更是必點之選。 繼續閱讀
營業時間
今日營業
11:30 - 21:00
星期一
11:30 - 21:00
星期二
17:30 - 21:00
星期三至四
11:30 - 21:00
星期五
11:30 - 22:30
星期六至日
12:00 - 21:30
公眾假期
12:00 - 21:30
公眾假期前夕
11:30 - 22:30
付款方式
現金
座位數目
40
其他資料
網上訂座
Wi-Fi
自帶酒水
切餅費
VIP房
電話訂座
賞訂座積分
外賣服務
加一服務費
以上資料只供參考, 請與餐廳確認詳情
有關獎賞計劃
食評 (676)
等級4 2024-06-28
201 瀏覽
同朋友聚聚就當然要搵個好地方,一間花花少女心嘅Café就當然係不二之選,所以就嚟到花花世界嘅 就是偏偏喜歡你 食個Lunch。依間絕對係打卡-able Café,基本上每個位置都好啱打卡,除左周圍佈置到成個花海之外,仲有鳥籠座位選擇。最特別就係店內仲有兩隻兔子陪伴,乖乖兔子仲可以隨便摸摸,太可愛了。養生朋友就叫左一份Café主打嘅「低卡輕盈午餐配營養奶昔」,唔好以為輕盈好少嘢,但食落都真係好飽肚。以沙律菜、青瓜、蕃茄、紫番薯蓉配上煙三文魚,再加上軟硬適中嘅蕎麥麵,所以食落都非常爽口清新。飲品方面就芒果奶昔,入面除左有芒果、菠蘿、香蕉,檸檬同果仁之外,仲有配寒天、仙草、亞奇籽,所以入口酸酸甜甜,質地厚而順滑,加埋碎粒果仁仲增加口感添。我嘅主食就係 黑糖生薑豚肉漢堡,外層漢堡包軟熟,內層豚肉軟腍肥美得嚟個味道都調味剛剛好,再夾住蕃茄同生菜,所以食落夠晒fresh之餘口感仲好juicy,配菜仲有脆脆玉米片同埋新鮮沙律菜,整體上都可以話有驚喜。最後我就嚟杯 蜜桃小熊乳酸C,單睇個樣都係啱晒打卡,而佢個味道都唔錯,好重蜜桃香味之餘,入面仲有啲粒粒果肉,所以酸酸地幾好味夠解渴。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-04-28
675 瀏覽
突然間好想食素菜,朋友捐窿捐罅搵到一簡既健康又可以打卡餐廳“Say, I love you”。餐廳門口好大張姜濤海報,啱晒姜粉打卡,宜且餐廳以花為主打裝飾,彷彿姜濤與你進入一個花花世界。服務員好殷勤介紹菜式,更提議輕食主菜。💐蕎麥麵配香烤大啡菇用新鮮蔬菜配上甜甜紫番薯溶,烤大啡菇香味濃郁,蕎麥麵爽口、軟硬適中。💐凱撒沙律我們要求少醬汁,新鮮蔬菜好爽口,配上碎芝士片和乾肉粒,好健康。💐黑松露蘑菇湯濃郁黑松露,並且加入許多蘑菇碎粒, 香滑有咬口 。💐小熊粒粒草莓牛奶Cutie 粉紅色啤啤熊冰,淡粉紅色草莓牛奶,味道微微甜,入口好滑溜。💐紅梅紅肉火龍果三分二杯混合了桃紅色紅莓和火龍果,含有豐富維他命C,抗氧化顯著,餘下部分為仙草。入口滑流,微微甜,還放了一點點玫瑰花碎以作點綴。飲品基本上是無糖飲料,輕食素菜又健康。約埋閨蜜打卡傾心事,是一個好地方。💐就是偏偏喜歡你銅鑼灣耀華街3號百樂中心16樓1602-1603號舖💐 繼續閱讀
(以上食評乃用戶個人意見 , 並不代表OpenRice之觀點。)
等級1 2024-07-10
0 瀏覽
成班女仔都係想去影相,上到去同照片好大分別,雖然都係為咗打卡,預咗啲嘢未必咁好食,但係冇諗過咁難食,同埋細碟,完全唔值呢個價錢,銅鑼灣可以食得更加好。每人差唔多$300食咗一陣風。。。。。。。。。。。。。。。。。。。。。。。。。。。。。。唯一值得讚係生日有個燈牌 繼續閱讀
(以上食評乃用戶個人意見 , 並不代表OpenRice之觀點。)
等級4 2024-07-02
48 瀏覽
鬧市中發現一間可以比花花包圍住既樓上cafe🤩有兩個鳥籠打卡位,仲有兔兔陪伴~.🥣香草忌廉煙三文魚意粉🥣:💰$188第一次見用唔同花花做裝飾既意粉😳有卷成花形既煙三文魚,仲有啲熟左魚碎,配菜有雜菌同蘆筍,香草味岩岩好,忌廉汁濃而不膩,整體好creamy,意粉軟硬適中。🥣精選小食拼盤🥣:💰 $158拼盤有富貴帶子、芝士雞軟骨、日本南瓜薯餅 ,灑滿芝士粉既雞軟骨,厚肉脆口,南瓜薯餅外脆內軟香甜,炸帶子厚肉,仲有配日式芝麻醬。🥤小熊粒粒草莓牛奶🥤:💰$68一定要點杯熊熊飲品打個卡🐻草莓奶酸酸地,不太甜,個底有草莓醬,記得mix好先飲呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2024-07-02
44 瀏覽
之前朋友曾經在這間餐廳和我慶祝生日,今日特意帶老公再訪這間花花cafe,一起打卡。原來現在午市新推出了低卡輕盈午餐,每款餐只有300卡路里,啱晒平日注意均衡飲食的香港人,尤其是女仕呢。我和老公經常大吃大喝,今日也決定點選兩份輕盈午餐,減輕一吓腸胃負擔。🥣🦐椰菜花藜麥飯配南美海蝦~椰菜花飯平日便聽得多,今日還是第一次試。配上藜麥的椰菜花加了少許沙律醋後,酸酸甜甜,很有咬口。加上爽口彈牙的海蝦、紫薯蓉及沙律,感覺清新健康。🍜🐟蕎麥麵配煙三文魚~蕎麥麵爽滑Q彈,本身沒有什麼味道,但配上較濃味的煙三文魚後,一淡一濃,一凹一凸,出奇地搭配呢。每份輕盈午餐都包一杯有營奶昔或健康特飲,我們今天便選擇了“紅”奶昔及“五榖紅豆”特飲。"紅"奶昔~以雜莓、紅肉火龍果,檸檬及果仁冲調的奶昔,充滿果肉,酸酸甜甜,果香清新。“五穀紅豆”特飲~這杯特飲包含了紅棗、枸杞、黑米、紅蓮子、山藥、紅米、紅豆、黑芝麻、紅皮花生,小米及黑豆,營養豐富,足有11g蛋白質,只有88卡路里,還可轉熱飲,啱晒我! 繼續閱讀
(以上食評乃用戶個人意見 , 並不代表OpenRice之觀點。)