小火焰韓式咖啡廳 (觀點中心) (已結業)

去開觀塘又唔知食乜好，咁啱勁耐都未食過韓國嘢，就去咗連鎖嘅小火焰韓式餐廳。依韓式餐廳來講佢嘅食物水準都唔錯價錢又唔貴，性價比真係好高。入到去有一排大電視喺度播緊韓國嘅MV真係有種返咗韓國家鄉嘅feel呀！柚子明蝦水冷麵大熱天時最啱食冰冰涼涼嘅水冷麵，冷麵嘅湯底好香麻油味仲有少少碎冰，冰涼得黎一啲都唔淡。入面有好多新鮮嘅水果，有雪梨仲有紅色同黃色嘅碌柚，食落酸酸甜甜咁好開胃。啲冷麵好煙韌仲有三隻大蝦添。蟹膏海鮮炒年糕通常韓國嘅炒年糕，係紅色好辣嘅。但係佢呢款蟹膏海鮮炒年糕用咗卡邦尼將一啲都唔辣仲有好濃嘅芝士味添。配料來講佢都算好多，有青口、大蝦、魷魚、蟹籽同菇菇。年糕係幼身嘅細面年糕條，夠煙韌。份量都好大夠兩到三個人share食。