影片
更多
2018-05-25
1482 瀏覽
🙆🙆有朋友住太和佢一直話有間日式火鍋幾衛生同經常都好多人幫襯！唸住叫我一齊試下係咪真係咁好食。因為本身我地兩個都好鐘意打邊爐！所以就過去試試啦～原來佢講呢間就係我之前係荃灣食過既【稻八】！😍哈哈入到去環境都幾舒服好光猛又闊落！❤❤❤牆身好有日本風格，地方亦好衛生！仲安排左我地坐卡位添！👐🏻我地叫左個＄238既「極上安格斯牛小排」套餐，可以食多個美國穀飼牛同刺身！其實好多火鍋湯底可以揀，不過我地想品嘗下牛肉既鮮味，所以揀左個清清地既「鰹魚昆布清湯」！💞仲加左$20升級左，可以試試澳洲M6和牛放題！🤤好開心呀！叫晒所有野就出去夾D配菜，配菜擺得好企理同好乾淨，蔬菜亦都好新鮮，而且選擇好多。🌞岩晒我！等既同時,我地去左旁邊既自助炸天婦羅,呢種玩意第二次見！😎上次已經覺得幾得意,而我既朋友話其實都幾有創意,可因應自己既食量去整,又可以確保新鮮! 最欣賞個鮮蝦,雖然唔算大隻,但鮮味十足,可以自己控制個炸粉份量,很讚!一定要玩喔🌤之後就黎到我地既主菜火鍋啦！🐮牛肉睇落去色澤偏紅,脂肪唔算好多,睇得出好新鮮～✨食落好有口感，牛肉味濃郁！✌🏻原來每枱都會有四個前菜送,職員為我地特別介紹呢個牛白肉，個牛
因為本身我地兩個都好鐘意打邊爐！所以就過去試試啦～
原來佢講呢間就係我之前係荃灣食過既【稻八】！😍哈哈
入到去環境都幾舒服好光猛又闊落！❤❤❤牆身好有日本風格，地方亦好衛生！仲安排左我地坐卡位添！
👐🏻我地叫左個＄238既「極上安格斯牛小排」套餐，可以食多個美國穀飼牛同刺身！
其實好多火鍋湯底可以揀，不過我地想品嘗下牛肉既鮮味，所以揀左個清清地既「鰹魚昆布清湯」！💞
仲加左$20升級左，可以試試澳洲M6和牛放題！🤤好開心呀！
叫晒所有野就出去夾D配菜，配菜擺得好企理同好乾淨，蔬菜亦都好新鮮，而且選擇好多。🌞岩晒我！
等既同時,我地去左旁邊既自助炸天婦羅,呢種玩意第二次見！😎上次已經覺得幾得意,而我既朋友話其實都幾有創意,可因應自己既食量去整,又可以確保新鮮!
最欣賞個鮮蝦,雖然唔算大隻,但鮮味十足,可以自己控制個炸粉份量,很讚!一定要玩喔
🌤之後就黎到我地既主菜火鍋啦！
🐮牛肉睇落去色澤偏紅,脂肪唔算好多,睇得出好新鮮～✨食落好有口感，牛肉味濃郁！
✌🏻原來每枱都會有四個前菜送,職員為我地特別介紹呢個牛白肉，
個牛白肉係全身帶白色既，食落好爽脆！出面少有！✨
牛粒帶少量脂肪，未至於入口會溶化，但食落好有口感！
😳除左牛粒同牛白肉之外，仲有水餃同花膠。
前菜既質素黎講相當唔錯，而且都係可以再追加。正啊！🙋🏻♀️
因為我地得兩個人，食到冇耐已經飽飽地，所以只係叫左少量刺身。以為火鍋店比得既任食刺身只係普通質素，點知食左真係喜出望外XD!! 🌤
❕❕刺身絕對係高質，冇雪藏味道，三文魚仲要係腩位，非常肥美!可以用鮮甜兩字形容喔
💞最後食飽晒就到最後甜品既環節，❤❤❤有雀巢既朱古力脆皮雪條！食完火鍋熱熱地可以即刻降溫又好味！如果太飽亦可以選擇細細粒既雪米糍。雪米糍我食左成5粒！哈哈😚
總括黎講呢餐日式火鍋我地兩個都非常滿意！上次已經覺得好好食啦！💞
1️⃣選擇真係好多，價錢由低至高既選擇都有！除左個火鍋仲有自助天婦羅（仲要天婦羅既款好似比荃灣多）
2️⃣刺身非常高質！比想像好很多
🌟🌟物有所值，我覺得比呢個價錢食得好飽，食物亦好高質素！
好適合一班朋友聚會或慶祝！我同朋友都認為係可以再食既日式火鍋之一！！性價比GoGoGo🌟
張貼
