L'attitude (已結業)

堅尼地城呢間L'attitude除左甜品出色之外, 菜單上有多款菜式都好有特色, 上次同老婆黎過之後佢讚不絕口, 今日趁老婆係附近放工, 我地係堅尼地城集合之後就過黎開餐。😙餐廳裝修好有童話風格, 雖然上次黎嘅時候已經幫老婆影左好多相, 不過因為我地今日6點幾已經到, 客人仲未多, 所以今次可以去唔同位置幫老婆同餐廳嘅公仔影更多靚相。😍Puyooma $56由於時間尚早, 點餐之前我地先點左一杯cocktail品嚐, Puyooma雖然加左Malibu調製, 不過酒味唔算太濃, 反而菠蘿同芒果味比較突出, 入口香甜, 上層仲有L'attitude好出名嘅軟雪糕, 味道唔錯。👍煙三文魚凱撒沙律 $88老婆好喜歡食沙律, 呢款凱撒沙律仲配有我鍾意嘅煙三文魚, 而且份量都幾多, 我地兩個人share剛剛好。溫泉蛋三文魚籽松露漢堡 $128呢款漢堡賣相非常吸引, 包頂切平放上溫泉蛋魚籽同黑松露漢堡, 包身同漢堡都好厚身, 加上厚切蕃茄, 味道層次豐富, 好大件, 兩個人share剛剛好。😙海膽明太子意大利麵 $158老婆超鍾意呢款意粉, 彈牙嘅意粉混有海膽同明太子, 每一啖都充滿海膽嘅鮮味,