影片
更多
2021-08-19
273 瀏覽
最近經常想食牛扒，高級地方一塊都動輒二三百蚊以上，所以今日黎有名的港式扒房-第尾牛扒。太子店的第尾跟花園很相近，要小心不要去錯。走上樓梯，一樓便是第尾，今日黎到七點左右，店內暫時不用排隊，輕鬆入去。店員姐姐駕輕就熟，很快便安排位置、拿熱水，並在旁走動等我地落單。叫左牛仔扒（黑椒汁） 7成熟、肉眼扒（黑椒汁）7成熟。一紅一白湯。送餐速度好快，除底口罩，整下搓手液，餐包已經到🥢 餐包唔熱、並不鬆軟、形象像磨菇幾可愛、味道無乜特別，唔太驚訝，我鍾意浸湯所以就浸返軟食。🥢羅宋湯好鍾意呢碗羅宋，蕃茄夠酸，食落夠辣，酸辣超開胃，忍唔住清到好乾淨。雜菜都好夠份量。🥢粟米忌廉湯唔算好鹹但係都會飲到忌廉同埋粟米味，粟米份量都唔少，口感唔算好creamy，但未至於稀水。🥢肉眼扒熟嘅程度剛剛好，咬落去都好鬆軟，肥瘦都均等，都有一定厚度，有少少根但唔算多，肉味就一定唔會好濃，被黑椒味搶晒，呢種口感正正就係港式牛扒。🥢牛仔扒友人最鍾意食瘦部位，牛仔扒較薄身，食落較乾身。亦無乜根位。🥢汁純粹係黑椒汁，無加額外配料。青豆粟米蘿蔔粒，相信好多人未必鍾意食，但我就好鍾意，當日嘅粟米烤得過咗火有啲焦，但配埋黑椒汁就好好味
太子店的第尾跟花園很相近，要小心不要去錯。走上樓梯，一樓便是第尾，今日黎到七點左右，店內暫時不用排隊，輕鬆入去。
店員姐姐駕輕就熟，很快便安排位置、拿熱水，並在旁走動等我地落單。
叫左牛仔扒（黑椒汁） 7成熟、肉眼扒（黑椒汁）7成熟。一紅一白湯。送餐速度好快，除底口罩，整下搓手液，餐包已經到
🥢 餐包
唔熱、並不鬆軟、形象像磨菇幾可愛、味道無乜特別，唔太驚訝，我鍾意浸湯所以就浸返軟食。
🥢羅宋湯
好鍾意呢碗羅宋，蕃茄夠酸，食落夠辣，酸辣超開胃，忍唔住清到好乾淨。雜菜都好夠份量。
🥢粟米忌廉湯
唔算好鹹但係都會飲到忌廉同埋粟米味，粟米份量都唔少，口感唔算好creamy，但未至於稀水。
🥢肉眼扒
熟嘅程度剛剛好，咬落去都好鬆軟，肥瘦都均等，都有一定厚度，有少少根但唔算多，肉味就一定唔會好濃，被黑椒味搶晒，呢種口感正正就係港式牛扒。
🥢牛仔扒
友人最鍾意食瘦部位，牛仔扒較薄身，食落較乾身。亦無乜根位。
🥢汁純粹係黑椒汁，無加額外配料。
青豆粟米蘿蔔粒，相信好多人未必鍾意食，但我就好鍾意，當日嘅粟米烤得過咗火有啲焦，但配埋黑椒汁就好好味，食到最後汁多過配菜嘅時候就覺得有啲膩喇。
薯菜就一如以往有汁嘅就唔多脆，有一兩條接近飛出碟邊嘅就保持到原味
🥢雜果賓治
友人首推雜果賓治，我亦唔見太多扒房有呢一種嘅飲品提供，所以好好奇咁樣試吓，雖然都係雜果加果汁，但係飲嘅唔係重點，重要嘅係滿滿嘅兒時回憶。
埋單$205 ，雖然未至於話食到好full，但係份量都已經好足夠。
張貼
