壽司喰 (已搬遷) 新店位置

上次黎食有點失望，今次又如何呢？因為係旅行時食左超高質呑拿魚，返到黎香港真係返唔到轉頭。為左滿足心中要食到令人幸福嘅呑拿魚嘅個隻慾望野獸，唯有再投入極負盛名既Sushi Kuu，希望有好嘢食。叫左呑拿魚壽司拼盤同呑拿魚蓉丼拼盤都有湯送，丼係lunch set自然都有配菜同湯丼飯先到睇落都幾唔錯，而魚蓉更加係鮮甜到不得了！！嘩，正啊！一次挽回聲譽啦！係咁伴飯食，好想添飯！值得一提既係，飯粒軟熟而粒粒分明，濕度剛剛好，混和魚蓉甜味更大大沖激味蕾，簡直只應天上有！甜蛋果然好甜，可惜蛋味不足，敗筆喔。看見拼盤時太興奮，忘記影相。不過可以告訴你，燒的頰肉可能是放久了，有點乾，不好吃。中拖羅可是不錯的，油脂分佈平均，和肉的比例理想，所以入口即融而且肉味香濃。呑拿魚蓉軍艦是和丼飯的魚蓉一樣的，可惜紫菜已稔了。p.s. 午餐的丼飯是物有所值的，拼盤可能因太多人客而遲了上菜已不夠好吃了。