好鍾意呢間cafe嘅鹹食、甜品！
🔹吉士焦糖梳乎厘班戟
Fluffy、蛋香重、夠濕潤，個pancake動L動L，好可愛！
呢個口味係焦糖燉蛋嘅變奏～
面頭有薄薄嘅燒到香脆嘅焦糖！
食落同pancake好夾，好味！
食得多會有啲膩，建議多啲人一齊分享～
🔹慢煮和牛面肉伴薯蓉
牛面肉真係唔會唔好食🤣
肉質好嫩、少少入口即化嘅感覺！
醬汁味道較重，夾埋薯蓉一齊食好正！！
🔹明太子醬軟殼蟹意大利粉
之前食過呢度嘅明太子燴飯，好鍾意！
今次嚟唔咗，叫咗同樣明太子口味嘅意粉～
今次感覺好似冇上次咁濃郁，但都幾掛汁～
軟殼蟹好香脆好好食！
🔹海鹽Kiri芝士奶蓋槙之白京都宇治抹茶
芝士奶蓋帶淡淡嘅鹹香，整體奶味較重，
同抹茶夾埋一齊，成為一杯較清嘅matcha latte～
🔹芒果菠蘿沙冰
夏日清新之選！加咗cream會偏smoothie感覺！
想再fresh啲可以走cream！
