影片
更多
2019-06-09
326 瀏覽
星期六加完班諗住返屋企食飯，點知屋企人打黎話佢地出左街，咁橫掂都係啦，就約同事一齊過隔離大廈食埋晚飯先返去囉。因為好近，所以成日過黎WTF食，lunch time可能人多，漏單情況都幾嚴重。今日食晚餐又有驚喜喎，出品快之餘仲擺盤靚靚，不愧係粉嶺排名第一的打卡熱點，有賣相又好味，價錢不貴份量又大，加上玩味性質的裝修，實在係粉嶺難得一見。唔講咁多廢話，即刻去相睇下食左咩啦。晚餐出左新餐牌，靚左，食物款式多左，價錢就無乜變。睇左一陣餐牌，決定要主食加甜品，放假對自己好啲嘛。主食有餐湯同餐包送，餐包微暖軟身，帶黑糖味香口又好食。餐湯就係WTF嘅招牌羅宋湯，足料味濃，酸酸地夠開胃。非一般creamy明太子忌廉意粉（$84）主食方面，自己揀左食意粉，上枱時好香啊。黎個top shot先，份量都幾大㗎。果然如餐牌名咁好creamy㗎，每條意粉都黏住忌廉汁，仲有好多明太子同木魚絲，鹹鹹地幾好味。麻辣食雞有雞味燉飯（$82）同事揀左食飯，要左呢個中西合璧嘅麻辣手撕雞意大利飯。賣相精緻，雞同飯的份量都不少。飯軟腍吸飽湯汁夠香口，雞絲辣辣地好惹味，兩樣加埋一齊都幾夾喎。海鹽焦糖脆脆鮮奶（+$20）跟主食飲品
因為好近，所以成日過黎WTF食，lunch time可能人多，漏單情況都幾嚴重。今日食晚餐又有驚喜喎，出品快之餘仲擺盤靚靚，不愧係粉嶺排名第一的打卡熱點，有賣相又好味，價錢不貴份量又大，加上玩味性質的裝修，實在係粉嶺難得一見。
唔講咁多廢話，即刻去相睇下食左咩啦。
晚餐出左新餐牌，靚左，食物款式多左，價錢就無乜變。睇左一陣餐牌，決定要主食加甜品，放假對自己好啲嘛。
主食有餐湯同餐包送，餐包微暖軟身，帶黑糖味香口又好食。
餐湯就係WTF嘅招牌羅宋湯，足料味濃，酸酸地夠開胃。
非一般creamy明太子忌廉意粉（$84）主食方面，自己揀左食意粉，上枱時好香啊。
黎個top shot先，份量都幾大㗎。
果然如餐牌名咁好creamy㗎，每條意粉都黏住忌廉汁，仲有好多明太子同木魚絲，鹹鹹地幾好味。
麻辣食雞有雞味燉飯（$82）同事揀左食飯，要左呢個中西合璧嘅麻辣手撕雞意大利飯。
賣相精緻，雞同飯的份量都不少。
飯軟腍吸飽湯汁夠香口，雞絲辣辣地好惹味，兩樣加埋一齊都幾夾喎。
海鹽焦糖脆脆鮮奶（+$20）跟主食飲品有半價，自己要左呢杯鮮奶，上面有又鹹又甜的焦糖。先飲一口果然奶味香滑，拌混焦糖入鮮奶入面再飲，奶味依舊濃郁，但多了一份焦糖香，甜甜地好飲呀。
芒果奶昔冰沙（+$19）同事要左奶昔，嘩！好有驚喜！！超香甜的芒果味，唔好睇佢咁淡黃色，入面全部係芒果黎，上面仲有大量芒果肉，真係芒味十足，勁好飲呀！
比利時窩FU伴雪GO（$42）最後就係甜品啦，雪糕有幾款口味選擇，要左曲奇味，加上oreo十分夾。窩夫係朱古力口味，有朱味又有朱古力碎，再加上朱古力醬好正呀～
食飽飽勁滿足，今次的晚餐好滿意。
張貼
