影片
更多
2022-11-21
30 瀏覽
#ftf_尖沙咀再訪正宗墨西哥餐廳 依舊高質有水準呢間餐廳，上年食完一次之後，已經推薦左比好多朋友，個個都有讚冇彈。平時都好多外國人，氣氛好chill，今日難得放早，就同同事去食個晏當去左旅行，哈哈！Mexican Beef Taco Salad $138⭐️⭐️⭐️⭐️⭐️材料超豐富，食材夠新鮮！牛油果、牛肉碎、紅石榴、沙律菜同蕃茄仔配搭上酸忌廉同莎莎醬，多種味道層次轟炸味蕾，清爽得來又惹味，真夠滿足！Pulled Beef burrito $148⭐️⭐️⭐️⭐️⭐️份量驚人，包皮有烤香，入面有Beef, Hot Salsa, Rice, Gucamole～ 牛肉肉質軟腍，味道香濃但唔會死䶢，芝士有拉絲，配上莎莎醬，酸酸微微，膩感大大減低，勁開胃！Lamb Mince Quesadillas $138⭐️⭐️⭐️⭐️⭐️係有厚度既酥餅，羊肉有鮮味，一啲都唔羶，超juicy!中間夾住芝士同薄荷奶酪，配搭得宜， 十分惹味！側邊仲配有三款醬汁任你配搭，岩晒樣樣都想試嘅我，哈哈哈！Burnt red velvet cheese cake $78⭐️⭐️⭐️⭐️個人本身對Red velvet有種迷戀，但Red Velvet ch
再訪正宗墨西哥餐廳 依舊高質有水準
呢間餐廳，上年食完一次之後，已經推薦左比好多朋友，個個都有讚冇彈。平時都好多外國人，氣氛好chill，今日難得放早，就同同事去食個晏當去左旅行，哈哈！
Mexican Beef Taco Salad $138
⭐️⭐️⭐️⭐️⭐️
材料超豐富，食材夠新鮮！牛油果、牛肉碎、紅石榴、沙律菜同蕃茄仔配搭上酸忌廉同莎莎醬，多種味道層次轟炸味蕾，清爽得來又惹味，真夠滿足！
Pulled Beef burrito $148
⭐️⭐️⭐️⭐️⭐️
份量驚人，包皮有烤香，入面有Beef, Hot Salsa, Rice, Gucamole～ 牛肉肉質軟腍，味道香濃但唔會死䶢，芝士有拉絲，配上莎莎醬，酸酸微微，膩感大大減低，勁開胃！
Lamb Mince Quesadillas $138
⭐️⭐️⭐️⭐️⭐️
係有厚度既酥餅，羊肉有鮮味，一啲都唔羶，超juicy!中間夾住芝士同薄荷奶酪，配搭得宜， 十分惹味！側邊仲配有三款醬汁任你配搭，岩晒樣樣都想試嘅我，哈哈哈！
Burnt red velvet cheese cake $78
⭐️⭐️⭐️⭐️
個人本身對Red velvet有種迷戀，但Red Velvet cheese cake真係第一次見，同埋臨近聖誕就更加要試，哈哈！紅絲絨餅底， cheese cake質地尚算紮實，唔會太甜，淡淡的芝士味亦都唔會太漏，唔錯唔錯！
本身想叫埋酒，可惜第二日要返工，同埋最近都飲太多，要留番啲quota聖誕節食，哈哈哈！
回頭率🤡🤡🤡🤡🤡
性價比🤰🏻🤰🏻🤰🏻🤰🏻🤰🏻
#feedtiffood #吃吧孩子 #吃到懷孕
張貼