影片
更多
2018-10-15
2031 瀏覽
實不相瞞，對上一星期先食完銅鑼灣分店，友人就約我再訪，由於今日大家都放假，唔想特地過海，就揀左比較方便嘅尖沙咀店。入座時剛好六點鐘，全店客人未算好多，七點後嘅客人，建議訂位，尤其是人多嘅話，因為餐廳都幾full。餐廳裝潢古色古香，年多前曾經到訪，一部份卡位，亦有房間，未有問及低消，坐得舒適。燈光方面稍暗，播放比較輕快嘅英文歌，環境俾高分醬油餐牌方面選擇多，仲有兩款套餐，定價人頭$488/$598，包湯底、海鮮、肉類、餃、丸之類等火鍋配料、麵食，唔算性價比高，不過多個選擇。我地今次係散點，人均約四百蚊，都差唔多，可以彈性喺自由選擇。酒火入鍋 $328依然係點呢款湯底，一鍋五味，包括中間嘅鮮蝦木瓜鍋、蕃茄半隻龍蝦鍋、清湯蘿蔔牛腩鍋、四川麻辣鍋、沙嗲鍋。上枱後店員會點火，配合鍋底，令火焰熊熊，加湯後就會形成仙氣效果，今次冇喺銅鑼灣店時咁澎湃，反而我覺得更加好第一湯底唔會因為有太多乾冰而滾唔起，第二枱面亦唔會因為「迷霧」而濕轆轆。木瓜鍋中有半件木瓜、清湯加鮮蝦三隻，蝦肉爽口，夠新鮮蕃茄湯中有半隻波士頓龍蝦，龍蝦肉比較少而口感削，唔係太新鮮。至於麻辣鍋底，始終跟川式麻辣有距離，少麻少辣，入口溫和
醬油
餐牌方面選擇多，仲有兩款套餐，定價人頭$488/$598，包湯底、海鮮、肉類、餃、丸之類等火鍋配料、麵食，唔算性價比高，不過多個選擇。
我地今次係散點，人均約四百蚊，都差唔多，可以彈性喺自由選擇。
酒火入鍋 $328
依然係點呢款湯底，一鍋五味，包括中間嘅鮮蝦木瓜鍋、蕃茄半隻龍蝦鍋、清湯蘿蔔牛腩鍋、四川麻辣鍋、沙嗲鍋。
上枱後店員會點火，配合鍋底，令火焰熊熊，加湯後就會形成仙氣效果，今次冇喺銅鑼灣店時咁澎湃，反而我覺得更加好第一湯底唔會因為有太多乾冰而滾唔起，第二枱面亦唔會因為「迷霧」而濕轆轆。
木瓜鍋中有半件木瓜、清湯加鮮蝦三隻，蝦肉爽口，夠新鮮蕃茄湯中有半隻波士頓龍蝦，龍蝦肉比較少而口感削，唔係太新鮮。至於麻辣鍋底，始終跟川式麻辣有距離，少麻少辣，入口溫和，不過嗜辣嘅我都算食得滋味。沙嗲、清湯腩湯底係朋友至愛，佢覺得一濃一淡更正。
頂級安格斯牛小排 $188/小
係上次試過嘅牛小排，因為覺得唔錯，而且價格合理，所以食番。以晾曬形式擺盤，配合裝潢格調。牛肉脂肪唔算多，紋路清晰，入口唔柴
即炸手工紫菜響鈴卷 $58
一份五件，即時炸起，冇油膩感，只可惜入口唔夠酥脆，幸而配合紫菜都幾香口。
手打芝士蝦丸 $78
一份六粒，雖然知道呢度嘅手工丸、餃有啲特別造型，不過相對賣相，我都係比較追求實在，點左穩陣嘅芝士蝦丸。蝦丸細細粒，食落彈牙，而且有少許芝士喺入面。
鮮蝦水餃 $58水餃質素唔錯，係新鮮手工餃，餡料適中，有蝦、木耳等，幾爽，而且餃皮薄身
肥媽墨汁腸 $58
雞脾菇 $38、菠菜 $38
Cucumber&Lime $58、Summer Delight $58
張貼
