影片
更多
2022-09-23
4361 瀏覽
由於第五波疫情在年初影響了一段時間晚上禁堂食，加上餐廳人氣爆燈關係，預約席足足等咗 9 個多月，好不容易安排到一席位置當然要把握機會啦。紅燒乳鴿先鹵後炸嘅乳鴿入口嫩滑無渣又有肉汁、滿足香煎蓮藕餅外脆內軟啖啖肉，足哂料，肉餅有咬口又有肉汁，配合蓮藕蓉清爽無比，送酒一流生啫魚雲煲呢味餸嘅靈魂梗係大量的薑蔥啦，經過猛火熱油爆炒之後香噴噴，魚雲非常新鮮、走油後又夠乾身、入口熱辣辣夠哂鑊氣，又係送酒妙品，不過唔係人人會喜歡，此乃心機餸、好考師傅功課。上湯蝦煎米粉呢碟餸嘅靈魂主角其實係啲米粉，吸收哂啲鮮蝦嘅鮮甜味，米粉兩面先煎到脆卜卜，𥚃面保留軟滑滑，一啖蝦一啖煎米粉，簡簡單單家鄕好味道。薑蔥焗肉蟹煎腸粉煲全晚最失望的出品，靈魂主角嘅腸粉入口濕𣲷𣲷得個咸字。。。肉蟹雖然新鮮料靚，不過賣相就真係麻麻，問題係漿粉水同火喉掌握的問題，有啲似日本人喜歡嘅串燒雞皮咁。。。非個人杯茶。。。懂的就會懂得。菠蘿懷舊咕嚕肉必點之一，師傅對火喉同掛汁嘅功夫做得好好，要挑剔的話如果可以俾多啲事前功夫同時間用山渣汁（並非坊間說的山渣餅和茄汁。。。）烹煮醬汁會更上一層樓。生炒糯米飯米飯粒粒分明、油潤、生熟度掌握得剛剛好，配
由於第五波疫情在年初影響了一段時間晚上禁堂食，加上餐廳人氣爆燈關係，預約席足足等咗 9 個多月，好不容易安排到一席位置當然要把握機會啦。
紅燒乳鴿
紅燒乳鴿
52 瀏覽
0 讚好
0 留言
先鹵後炸嘅乳鴿入口嫩滑無渣又有肉汁、滿足
香煎蓮藕餅
香煎蓮藕餅
65 瀏覽
0 讚好
0 留言
外脆內軟啖啖肉，足哂料，肉餅有咬口又有肉汁，配合蓮藕蓉清爽無比，送酒一流
生啫魚雲煲
生啫魚雲煲
54 瀏覽
0 讚好
0 留言
呢味餸嘅靈魂梗係大量的薑蔥啦，經過猛火熱油爆炒之後香噴噴，魚雲非常新鮮、走油後又夠乾身、入口熱辣辣夠哂鑊氣，又係送酒妙品，不過唔係人人會喜歡，此乃心機餸、好考師傅功課。
上湯蝦煎米粉
上湯蝦煎米粉
72 瀏覽
0 讚好
0 留言
呢碟餸嘅靈魂主角其實係啲米粉，吸收哂啲鮮蝦嘅鮮甜味，米粉兩面先煎到脆卜卜，𥚃面保留軟滑滑，一啖蝦一啖煎米粉，簡簡單單家鄕好味道。
薑蔥焗肉蟹煎腸粉煲
薑蔥焗肉蟹煎腸粉煲
67 瀏覽
0 讚好
0 留言
全晚最失望的出品，靈魂主角嘅腸粉入口濕𣲷𣲷得個咸字。。。肉蟹雖然新鮮料靚，不過賣相就真係麻麻，問題係漿粉水同火喉掌握的問題，有啲似日本人喜歡嘅串燒雞皮咁。。。非個人杯茶。。。懂的就會懂得。
菠蘿懷舊咕嚕肉
菠蘿懷舊咕嚕肉
41 瀏覽
0 讚好
0 留言
必點之一，師傅對火喉同掛汁嘅功夫做得好好，要挑剔的話如果可以俾多啲事前功夫同時間用山渣汁（並非坊間說的山渣餅和茄汁。。。）烹煮醬汁會更上一層樓。
生炒糯米飯
生炒糯米飯
49 瀏覽
0 讚好
0 留言
米飯粒粒分明、油潤、生熟度掌握得剛剛好，配合臘味嘅油香味真係食唔停口，各種食材有不同的火喉要求，食得出師傅的細心和耐性，非坊間糯米飯用蒸煮走捷徑的方法。。。糯米耐飽又暖胃。不過如果腸胃不好的話不能多吃，少吃卻無妨。
啫啫通菜煲
啫啫通菜煲
31 瀏覽
0 讚好
0 留言
師傅真係用心生炒，通菜夠哂乾身同鑊氣，好
合時係一間用心做嘅中式街坊小炒飯店、睇得出大廚權哥同經理嬌姐都非常用心經營，要挑剔的話老板要留意餐廳洗手間嘅衛生情況！9 個月前幫襯到現在都係沒有改善，明白洗手間為處地牢，容易淤塞，不過事在人為，尤其是在疫情下更要盡快改善改善！
真心支持用心經營小店！
張貼
