52
9
7
港鐵西灣河站 A 出口, 步行約3分鐘 繼續閱讀
電話號碼
25690862
營業時間
今日營業
11:30 - 14:30
18:00 - 22:15
星期一至日
11:30 - 14:30
18:00 - 22:15
付款方式
Visa Master 現金 AE
其他資料
酒精飲品
自帶酒水
電話訂座
外賣服務
加一服務費
電視播放
招牌菜
金牌口水雞 炸子雞
食評 (80)
等級4 2022-03-28
1188 瀏覽
晚餐說要排6個月LUNCH 就好點, 4個多月11月訂到而家的小菜館望穿秋水, 終於到了菜館既環境比較精緻,係小菜館既形式會有碗筷, 酒杯等等放左係度枱與枱之間好窄食飯個陣D 侍應行黎行去, 都FEEL 到就黎撞膊現場有4人枱4張, 6-8 人枱一張, 估計應該仲有一張係好入, 不過我地見唔到所以可坐到20多個人左右, 唔怪得郁下就要排4-6個月起朋友說, 「今日唔知聽日事, 有得食好食」咁又係, 叫多左咪打包, 而且都排左成幾個月所以以下既份量係叫多左******➽ 少爺焗豬扒飯 6人份量(起) $510(預左食唔晒打包, 最後淨返6成打包了)個汁好好食!面有滿滿既芝士個蕃茄汁好香好濃, 甜甜酸酸而且有好多切粒既蕃茄粒同洋蔥粒係個汁度, 增加口感佢仲會跟6隻荷包蛋荷包蛋煎得好香, 而且落左D 鼓油將隻荷包蛋放上每碗豬扒飯上面, 再篤穿隻蛋 …美食...我同朋友講, 淨係食個汁撈飯就夠啦其實唔洗要豬扒, 佢已經變左做配料個豬扒炸過黎, 豬扒肉口感普通OK我同朋友食, 都SKIP 左好多豬扒都係話個汁夠好味撈飯➽ 杏汁菜膽豬肺湯 $80一位 (有打電話預訂)一黎到就有好香既杏仁味豬肺好淋好食但我同朋友都覺得個湯太多杏仁碎粒佢應該係落左超多打碎左既杏仁所以每食一啖都有點點既杏仁碎粒我覺得如果可以隔走佢個口感會好D, 會滑D不過整體真係幾香既➽百花炸釀蝦多士 $63 一件一件都唔細, 因為想試多D 野食, 所以我地都係兩個人SHARE 一件而且, 佢既蝦肉好多, 好厚身多士鮮炸香脆, 好味!➽茶香煙燻雞半隻 $300 (有打電話預訂)侍應拎住碟雞未放落黎已經嗅到好香茶煙味肉質都幾滑而且個皮真係好好食好香茶味佢會俾一碟類似鼓油汁既俾你沾雞個汁係幾種茶葉溝出黎既汁沾左係令隻雞更香➽千層咕嚕肉 $148有趣咬開左, 係真係見到有幾層既肉個肉質感我覺得有D 唔夠汁, 雖然都有肥肉, 但唔夠JUICY覺得還可以吧******整體說, 呢一餐係幾好食你話值唔值得等幾個月? 都OK 既, 訂左咪HEA 等會唔會再食? 我即場訂左下一次食啦, 佛系等, 哈哈因為我見有人食炸乳鴿, 蒸馬友, 蟹炒腸粉, 都好似好吸引, 下次想試埋!希望下次多D 人, 可以試多D 野同侍應閒談, 問佢老闆係咪就係廚師?佢話唔係, 老闆係一位牙醫哦, 廚師唔係老闆, 點都驚有日個水準唔同左, 或者佢自立門戶睇黎盡早食多次都好, 哈哈價錢方面其實都OK係我地叫得太多了吧有不少都打包走了應該三百多就OK  繼續閱讀
(以上食評乃用戶個人意見 , 並不代表OpenRice之觀點。)
上年11月尾同屋企人終於試到合時小廚,我係10月頭打去book枱想食lunch,超好彩有位可以唔駛等咁耐🥺🥰我哋預先訂咗少爺焗豬扒飯 ($480 六人份)、菜膽炖豬肺湯 ($75/每位) 同茶香煙熏雞 ($300/半隻),想食嘅朋友記住要預先order啦~坐低一陣好快就上菜,我哋首先飲咗菜膽炖豬肺湯,杏汁好香濃,豬肺超腍同洗得好乾淨,一啲腥味都冇,我本身唔係好食豬肺都食咗幾件👍🏻⭐️大推少爺焗豬扒飯,呢個一定係必嗌,六人份量超澎湃😍 厚切豬扒勁軟腍入味,每一粒飯都有蕃茄醬同拉絲芝士包住,你睇佢以為會好膩但其實一啲都唔會,每一啖都勁滿足!🍅🍚另外茶香煙熏雞都推介,雞肉好嫩滑,茶熏香濃得嚟又唔會蓋過雞味🍗識我嘅都知我唔鍾意食蝦,但呢度嘅百花炸釀蝦多士 ($464/8件) 令我對蝦多士有新嘅睇法!首先舊蝦多士好大舊,有成隻手掌咁大。金黃香脆,入面嘅蝦膠都好彈牙,原來蝦多士可以咁好食!🍤🍞第一次食千層咕嚕肉 ($138),佢唔係普通豬肉咁簡單,而係用五花腩肉捲起再炸,表面香脆然後一咬開睇到豚肉層次分明,幾得意。香煎蓮藕餅 ($224/8件)又係好大件🤣好香口,咬到粒粒蓮藕,口感豐富。呢道每道菜都好大份,好啱一大班人sharing,好味得嚟性價比高,食完包你係會好滿足飽到捧住個肚走。聽聞而家要book位已經等到年尾,唔知下次幾時有得再食🥲 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-15
0 瀏覽
𝕊𝕒𝕚 𝕎𝕒𝕟 ℍ𝕠 西灣河 • ℍ𝕠𝕡 𝕊𝕫𝕖 ℝ𝕖𝕤𝕥𝕒𝕦𝕣𝕒𝕟𝕥 合時小廚 👨🏼‍🍳 📍西灣河筲箕灣道𝟛𝟡號麗灣大廈地下::::::::::::::::::::::::::::::慕名而來的預約困難店,大概是三個月前訂的位,以「半私房菜」的形式,食物的用料及做法講究,難怪座無虛席!現在已經要等到六月打去訂九月的位ʕ•ᴥ•ʔ 建議提前預留部份菜式~🐓 茶香煙燻雞一送上桌己經聞到陣陣茶葉熏香,雞皮入味,雞肉嫩滑,非常推介😻🦀 薑蔥焗肉蟹煎腸粉薑葱焗蟹配上腸粉,墊底的腸粉吸盡肉蟹精華,入口微焦內滑,十分惹味!🍤 百花炸釀蝦多士絕對有別於一般蝦多士!外層炸得薄脆,蝦膠再包著一隻大蝦,足料爽彈,配著泰式甜辣醬,開胃小食👍🏼🐖 少爺焗豬扒飯份量澎湃,厚切豬扒肉質鬆軟,蕃茄汁芝香酸甜,一定要加荷包蛋,撈飯一流🍚 由於是六人份起,吃不完可以外賣裝走🥡🤍 杏汁菜膽豬肺湯招牌潤肺養顏補湯!湯頭鮮甜,杏仁味香濃,豬肺炆得軟腍,滿滿的湯料,不過會有點杏仁渣。總括而言,每道菜都是高水準,有感餐牌上的所有菜式都是招牌菜呢♡´・ᴗ・`♡ 繼續閱讀
(以上食評乃用戶個人意見 , 並不代表OpenRice之觀點。)
等級2 2022-05-13
0 瀏覽
舊年11月預訂到今年5/11,好彩啱啱可以8人一枱食飯!雖然地方細,但勝在食物好味,用心製作,服務態度非常好,細心,有禮貌,乾淨…7個人預訂咗7個送,每人一個湯和一個抄飯,非常足夠。今次試咗茶香燻雞,花雕雞油蒸馬友,太極抄飯(黑松露)一定要食,抄牛柳粒,菠蘿咕嚕肉,杏花汁燉白肺湯,香煎蓮藕餅,紅燒野菌豆腐煲,小抄皇。 下次有機會想試蟹腸粉,豉油雞,百花釀蝦多士,蟲草湯,蟹肉扒時蔬,焗豬扒飯,抄糯米飯😋 繼續閱讀
(以上食評乃用戶個人意見 , 並不代表OpenRice之觀點。)
等級2 2022-05-09
0 瀏覽
話說咁啱得咁橋,打電話去book,有人退咗枱 我就唔使一個星期都可以book到十幾人食晏晝餐廳都有預先講清楚要留定食物嘅咁我都準時早一日打去預留食物點知一開口第一句話要半隻茶燻雞就已經畀條女插話我叫得少 又呢樣又嗰樣勁大怨氣講下講下又話要有最低消費五千蚊先可以圍間房畀我我都唔係要嗰兩塊屏風所以就話唔需要喇 就咁都得留咗幾個必需要留嘅餸 其他就到時睇下其他朋友想食乜啦點知去到嘅時候見到圍咗板我以為係餐廳拆唔切唔關我事啦叫起菜 亦都加咗餸點知有條女疑似係老闆嘅人走入嚟又呻話加得一個餸又重覆要有最低消費先比間房我delay no more 我無要求要間房仲要大大聲放負嘅餐廳今時今日真係咩態度最好食無疑係個豬扒飯咕嚕蝦比錯咗咕嚕肉個大蝦腸粉勁唔抵 d蝦又梅又唔新鮮唔會再幫襯 唔會推薦 繼續閱讀
(以上食評乃用戶個人意見 , 並不代表OpenRice之觀點。)