影片
更多
2021-01-22
27 瀏覽
假期約咗友人落旺角行下街，行過西洋菜街見到牛大人個招牌，先知原來喺荷里活中心新開咗間分店，即刻拉友人排隊再食。今次試下推介嘅台灣鳳梨雞鍋，入面湯料有白菜片、苦瓜同鳳梨粒，另外仲有半隻雞同魚乾仔好足料。湯底飲落清中帶甜，感覺好養生健康。一場嚟到梗係食豪啲，今次我哋揀咗最貴嘅極上和牛放題set。牛肉最鍾意係澳洲和牛M5牛肩卷，牛肉油脂分佈均勻牛味好重，我哋encore咗幾次。出面雪櫃有幾款自家製嘅台式茶，每瓶都有獨立嘅茶包，飲落味道幾濃。丸類最特別係呢款香芋貢丸，食落芋香味好濃好好食。麻辣鴨血本身已醃製好入味，食落好嫩滑好juicy。王子麵每個係獨立包裝，麵條比較幼身，咬落煙韌有口感。雪糕都有無限自取，豆腐味雪糕入口即溶味道都唔錯。仲有台灣小食，甜不辣、鹽酥雞同埋炸番薯呢啲夜市小食，正！
今次試下推介嘅台灣鳳梨雞鍋，入面湯料有白菜片、苦瓜同鳳梨粒，另外仲有半隻雞同魚乾仔好足料。湯底飲落清中帶甜，感覺好養生健康。
一場嚟到梗係食豪啲，今次我哋揀咗最貴嘅極上和牛放題set。牛肉最鍾意係澳洲和牛M5牛肩卷，牛肉油脂分佈均勻牛味好重，我哋encore咗幾次。
出面雪櫃有幾款自家製嘅台式茶，每瓶都有獨立嘅茶包，飲落味道幾濃。
丸類最特別係呢款香芋貢丸，食落芋香味好濃好好食。
麻辣鴨血本身已醃製好入味，食落好嫩滑好juicy。
王子麵每個係獨立包裝，麵條比較幼身，咬落煙韌有口感。
雪糕都有無限自取，豆腐味雪糕入口即溶味道都唔錯。
仲有台灣小食，甜不辣、鹽酥雞同埋炸番薯呢啲夜市小食，正！
張貼
