校長燒肉日韓料理 (沙咀道) (已結業)

話說疫情前食過一次校長，覺得很不錯。之後疫情就爆發了，久久未有外出用膳。近來疫情稍為緩和，我們把握外出用餐的機會，（因為不知會不會有第三波社區傳播？），決定再戰校長。校長好的地方係佢提供好多熟食同小食，可以比我地食住燒，唔使乾等，可以邊食邊燒。小食同熟食整體質素 okay。最好就係佢提供有好多唔同的醬可以自己配搭：mayonnaise ，泰式甜酸醬等，應有盡有。荃灣分店送燒肉拼盤。自己就比較鍾意牛肉燒完後牛味濃，好味。豬腩肉肥瘦分佈適中，都唔錯。刺身有三文魚腩呀~ 肥美過一般三文魚。佢都有三文魚提供，不過個人喜歡三文魚腩多啲 😋燒完佢個拼盤就自己出去攞野燒喇。我特別喜愛牛油蒜香玉米同泰式豬頸肉，豬頸肉帶點甜、辣，正！仲有珍珠飯可以送燒肉😋 食左唔少肉，食菜中和一下都好好。火鍋我主要用來煮菜食。湯底是豬骨湯，同菜、菇類都好夾。仲有各式生果同甜品埋尾，大滿足。呢度職員會叫大家出去攞野食一定要帶口罩，有人唔帶職員都會第一時間出聲，呢點幾好，抗疫期間，大家去食肆都要守規則，保障自己和他人健康。