大灣咖啡廳

營業中

休息中

友人生日，再食自助餐！依度選擇都唔算少，有冷盤，中韓印西式熱盤。冷盤先食隻龍蝦同蟹腳，蟹腳都幾多肉同鮮味。刺身方面，師傅好鬆手，你要嘅刺身都俾5片，可以滿足鐘意食刺身嘅你。不過刺身選擇唔算多，有三文魚，吞拿魚，八爪魚同油甘魚。另外有好食嘅Parma ham同水果，仲有cheese可以自由切呀。熱食方面，燒肉眼扒都可以。依度不同時段都有唔同食物，例如有燉湯 (蟲草花牛肝菌燉排骨)。個燉湯不錯，好濃味。甜品都有好多選擇呀，依度仲有分子雪糕食添呀。特別欣賞佢嘅朱古力，有好多果仁，又唔會過甜，食唔停口。另外個無藥果sorbet分子雪糕都好食呀，有濃濃嘅無花果香氣同甜味。