咖啡灣 (已結業)

唔覺對上次在荃灣呢間咖啡店灣食左個下午茶，就上大陸，它比我印象唔錯，食物的份量都好大碟，味道不差，食得我，滿滿地離開上大陸工幹。想唔到，開到來將軍澳，我當然也來試試吃，咁啱，好同學，在附近接到了份私人補習，順理成章，就約好同學去歎一下，又回味。見到都食指大動，口水停不了。芝士龍蝦汁海鮮飯：香濃郁的芝士，混入在龍蝦汁內，汁味濃厚及夠稠，香飯點上醬汁，每粒米飯都掛上醬汁，入口香濃又美味，海鮮有大蝦、青口、蜆、夠鮮甜爽口。手作特級和牛漢堡：呢件和牛漢堡，一定無得輸，非常厚身又夠大件，難一下將件漢堡放入口裹，真係要用刀切開，才夠入口，漢堡雖然大件，但仍保留了肉質鮮甜，肉汁豐富，再配上即炸的香脆薯條，簡直是無敵！黑魔王曲奇雪榚窩夫，都是大大件，窩夫餅底是即做，所以都要等上十多份鐘。外形似一個旋轉咖啡杯，圍繞薯雪榚球，每個窩夫杯上都裝滿了順滑的忌廉、朱古力曲奇餅、加上冰淇淋蛋糕，一齊食，冷熱口感溶和在口腔內，發散香濃的滋味。