客家好棧 (已結業)

再一次客家好棧今日又到家庭日，主要都係一齊飲下茶，我地又嚟左我地飲開嘅茶樓，客家好棧！我地今次吾洗好似上次咁等咁耐，但都等左十五分鐘，算係快啦，入到去就嗌野食！嗌左時菜鯪魚球：覺得d菜仲好食過件鯪魚球，因為條菜入晒魚嘅味道，好好食，而鯪魚球就一般味道！客家鮮蝦餃：好食，皮薄料多，蝦好大粒又新鮮，熱辣辣上碟好味道，飲茶必食！韭皇鮮蝦腸：好食，腸好滑，蝦好彈牙大隻，醬汁較甜，但都好好食！生煎野菌包：入面有雜菇，食落有菌香，個包都好軟，都吾錯！燕麥擂沙包：入面係流沙包嚟，較甜，但熱食都幾好食，吾錯！整體嚟講，都算幾好！又夠平，我地成日都嚟食嫁！