客家好棧 (已結業)

路過看到客家飯店都有廣東燒味檔，多看兩眼。「 客家登山雞」五字吸引了我。客家人是烹雞專家，在山區養走地雞。此名改得好古雅。買少許試嚐。雞肉尚算嫩，咸味都算適中。老人家通常叫此雞為咸雞。以88元/隻的級數是可以的（14:00後68元）。义燒方面，已聲明要極肥，但質素一般，只有4件是肥瘦相間。客家店應只賣客家雞。客家燜豬肉，小食更有綽頭呢！

今日去左飲茶，都係去左客家好，好平丫，平日去又吾洗等位，吾錯。嗌左十幾碟都係$205，因為嗌左双寶套餐，又嗌左特格食物，食物味道都吾錯。例如食左蝦腸，蝦仲好彈牙好滑，入面仲有翠玉瓜，增加口感，味道好食。牛肉腸都係我喜歡嘅，牛肉好嫩林，好重牛肉味，份量都多，啖啖都有料，正丫。另外燒賣皇都好好食，有四大粒，燒賣上面仲有隻大蝦，又吾會太乾，吾錯。仲有牛肉球，又係有四粒，大大粒，比較軟身，熱辣辣，加喼汁好好食，其實我覺得牛肉球下面會有幾塊生菜，個幾塊生菜最好食，吸晒牛肉球嘅味，又有喼汁，正。

見到稻香有25周年推廣抵食小菜就同屋企人去聚一聚餐 鹽甑雞(半隻) 話就話半隻雞 其實份量不少油雞配上雞頭 雞髀 雞胸等 配碗白飯已成一碗美味燒味飯雞皮滑身但稍乾 雞肉容易咀嚼有邪惡的雞油 都算足料了 勝在是呢個價錢值得一試！

今晚與家人吃個晚餐，地點選了稻香集團的餐廳。稻香是我童年回憶，假日家庭聚會的首選地方。一行5人來到客家吃晚飯，發現有$25小菜，一想便覺超值。鹽甑雞。$25就有雞，非常超值。上枱賣相肥美誘人，性價比高。雞肉嫩滑甜美，入口鹽香豐富，輕輕咸味並未蓋過雞肉的甜美，肉嫩多汁，油香滿滿，咸水味道剛好。媽媽最怕鹽焗雞，但是她一吃就讚個不停。⋯$25就有一碟小菜，非常滿意。

每當有長啲既下午時間得閒，我就一定抽時間去飲茶，點心真係永遠食唔嫌，久而久之去尋覓抵食既下午茶就成為左我既習慣！今次經過呢間客家好棧，見佢係稻香集團，啲點心都好似，但有個茶果系列好似幾有特色咁，就去試下啦，可惜令人失望了點心推介：雙色糕：呢個係特價紙上面 $8有3件，雙色係指紅棗同薑汁雙併，食落煙韌好有口感，重點係中和返食咁多包澱粉質好漏咁既感覺，而且價錢超值煎堆咸水角併盤：呢個炸物併盤就岩哂我想食咁多炸野但又無得叫返佢既貪心鬼啦煎堆饀都香甜但唔會有好空心既情況，反而咸水角就不角不失，但明顯比起平時原價叫果啲縮左水囉翡翠叉燒腸：平時叉燒腸就必叫既，但係呢到都係有加左翠玉瓜粒係入面，而且份量唔少，減低油膩感之餘仲有爽脆口感，值得一讚！馬拉糕：雖然唔算好軟熟，但勝在八蚊雞大大個好抵！睇下幅圖，個馬拉糕係成個籠咁大個架！唔係就咁四方形咁細細件~但令人失望既點心都唔少架！首先佢個茶果系列我揀左最普通既眉豆茶果啦，咁我本身都係因為呢樣吸引入黎，點知黎到個茶果又細粒又涷既，重點係個饀明明只係幾粒眉豆，但都可以好似無調味過咁，淡而無味同埋質感好差，比起街邊食過既都難食仲要做招牌點心喎....糯米捲平

家人鍾情於「客家好棧」飲茶，是日放假我又跟隨他們，雖然今天是閒日，都仍有不少客人仍然在門外等位，不過我們都只是等了一會就已經入座。午市時段，每人茶錢都是7蚊一位，今天是星期五下午茶，點心的小點$12、中點$15、大點$18及特點$21，有另加一服務費。先來一碟開胃的小食陳醋雲耳($28)，本身雲耳就是凍食而且味道是淡口，不過碟已經預先加入了陳醋，吃起來清爽又帶醋香，醒胃又清新。去到酒樓，平常最愛的當然來一籠客家蝦餃皇(特點)，一籠有三粒，大大粒的蝦餃外表晶瑩剔透，蝦肉又多又有蝦的鮮香，不失爽口彈牙的口感，還有一粒西蘭花作點綴，讓賣相不會太單調。另一款的點心我都推介別人一試，就是蜜汁叉燒酥(中點)，熱辣辣的叉燒酥一共有3件，一咬零舍鬆脆酥香，蜜味的叉燒饀又豐富，叉燒酥上還灑了一些芝麻，更惹味香口。下午茶時段最抵食是燒鵝瀨粉($20)，大碗的瀨粉滑溜爽彈，一碟的燒鵝又完整又足料，燒鵝晤會好肥，沒想到肥膏位，所以入口不太膩滯。一咬已經感到皮脆肉滑，又有豐盈的肉汁，最正就是價廉物美，只是20蚊就有如此質素!最後來多一份客家三式茶粿，平時食的茶粿味道分鹹、甜兩種味道，此三式是有芝麻、南瓜及眉豆，

再一次客家好棧今日又到家庭日，主要都係一齊飲下茶，我地又嚟左我地飲開嘅茶樓，客家好棧！我地今次吾洗好似上次咁等咁耐，但都等左十五分鐘，算係快啦，入到去就嗌野食！嗌左時菜鯪魚球：覺得d菜仲好食過件鯪魚球，因為條菜入晒魚嘅味道，好好食，而鯪魚球就一般味道！客家鮮蝦餃：好食，皮薄料多，蝦好大粒又新鮮，熱辣辣上碟好味道，飲茶必食！韭皇鮮蝦腸：好食，腸好滑，蝦好彈牙大隻，醬汁較甜，但都好好食！生煎野菌包：入面有雜菇，食落有菌香，個包都好軟，都吾錯！燕麥擂沙包：入面係流沙包嚟，較甜，但熱食都幾好食，吾錯！整體嚟講，都算幾好！又夠平，我地成日都嚟食嫁！

假期最佳節目就係同太座食早餐,平時工作天時間唔夾,所以假期盡可能都同佢食早餐,而且平日多數茶記早餐,中式點心係假期首選;通常我地都去正東飲,今次太座想買D飽點回家就想起客家好棧,也好可以試新的;值得推介有灌湯餃,呢度味道較濃而且內裡有好多隻細鮑魚,個人好鍾意呢個味道;其他點心如柚皮雙掌、燒賣王、野菌棉花雞都有水準,以後可以多一間選擇了

連續了幾星期嘅家庭飲茶都去客氣好棧，因為d野真係吾錯，又吾貴！今次中午時份去飲，嗌左吾少點心都只係百多元，個個食到飽飽，因為有吾少都係特價的！特價嘅嗌左：生煎野菌包($8.8)：個包好軟身，一共三個，入面有吾同嘅菇，幾好食。魚茸炸茄子($12.8)：茄子好香，炸到個皮少少脆吾錯，但略油左點！香芋金錢盒($12.8)：麻麻地，雖然夠入味，但肉有少少un，都算夠，入面有好多舊！另嗌左油雞瀨粉：油雞好食，好滑，整體吾錯，瀨粉成碗都好多。原蝦燒賣皇：蝦好彈牙而且大隻，熱辣辣食冇得輸丫！正，如果有特價就好啦！金粟牛肉腸：三條大大條，牛肉同粟米都岩份量，一咬食到兩樣料，腸好滑身，好食！整體吾錯，係我家飲茶嘅茶樓嚟！

桂花瑤柱炒粉絲，好大碟，瑤柱好淋無瑶柱味，唔知係咪煲完湯先攞黎炒粉絲！梅菜扣肉煲，五層扣肉幾好味，梅菜就麻麻地喇！香菇仔豬手煲，香菇有菇味，豬手夠淋味道唔錯！涼瓜黃豆排骨煲，涼瓜無乜味，黃豆及排骨唔夠淋！白粥，好似豆粉水，無米粥，唔好食！

聽就聽得多呢間抵食，經過咪入去試下lor,點知中伏開始了首先客家菜必點的鹽焗雞，好快上枱，窩仔出，諗住好熱同好香，點知係……暖的，冇味，係咩味都冇，叫侍應攞豉油，佢地話冇，竟然中菜食館冇豉油…………跟住個骨係比較上有味，其餘的伊麵及枝竹斑腩都係冇味的，我都係想健康，不過完全冇調味咁我不如打邊爐有碟豉油好過了，價錢亦不太便宜，所以唔會再去

今晚去將軍澳行街，晚上去左客家好棧食飯。雖然父親節前夕的星期六，但職員都好快安排入座。見到有個$38蚊的「雙薯大蝦沙律」。見平平地，個名又幾得意，在客家好棧未食過就試試。個樣勁靚呀！又好食！好大個！隔離都望左幾眼。兩種蕃薯甘甘甘甜，配岩大蝦沙律冷食，勁好食，有驚喜！出餐快，好快就上雙薯，跟住到雪花蚌帶子，脆皮雞同大蝦依麵用心製作、賣相企理、不馬虎個白飯仲落了一粒粒薯粒，幾特別 

客家好棧係稻香集團旗下既食肆之一，主打客家菜，而唔少中式小菜都可以喺度食到。客家煎釀豆腐豆腐好失望，一啲都唔嫩滑，好鞋口，豆味又唔香。蝦幾爽口既但係可能係冰鮮蝦所以淡而無味，豆豉係全碟最好既食物。咕嚕肉咕嚕肉明顯地無鑊氣可言，汁唔夠乾身，汁既味道有ｄ怪，猶幸既係肉質都算okay既，唔算太un。

原本今日約了好友飯聚，見跟約會時間相距還有數小時，故先陪老公到客家好棧飲早茶。(其實是老公在酒樓等待美甲中的我，wahahahaha!!!)在我到達酒樓之前，老公已吃了一隻糯米雞，有蒸飯癮的我忍不住點了鳳爪排骨飯，繼而再點了平時最愛的菠蘿叉燒包﹑久遺了的椒鹽魷魚鬚，又想吃潮式糯米卷，所以點了奶黃卷拼糯米卷，最後在想點鮮蝦腐皮卷還是粟米花姿餅好呢？老公投了後者一票，就這樣點了5項點心待吃。菠蘿叉燒包最早來到，不確定點心是否即點即整，不過食物夠熱，菠蘿叉燒包賣相不錯，菠蘿包皮鬆脆，包餡調味可以，正當我慢慢品嚐這個時，至愛飲茶食品之一蒸飯來了，馬上吞掉原本細爵的菠蘿包，來一碗飯先！飯粒稍為煮過龍，偏腍，莫非師傅知我愛吃軟飯？(堅架！)排骨肥瘦適中，鳳爪一般，但我還是乖乖的吃光整個飯。吃飯途中傳菜阿姐送上久遺了的椒鹽魷魚鬚，面頭的尚算鬆脆，但看到在底下的魷魚鬚很油膩，不過我連同飯一起吃，感覺良好一點。由於蒸飯太充實，原本想吃糯米卷的我結果只吃了其鄰居奶皇卷作結。最後也只好把糯米卷及粟米花姿餅帶回家慢慢吃。同區酒樓不少，其中海X集團是長龍店，但我又不覺得其食物特別好，不值費時排隊，還要搭枱！要是

在茶樓臨立的新都城，客家好棧走比較中低價的路線，卻有不錯的味道是次叫了幾道點心，有以下結論:1. 銀絲滑雞卷和鮮竹卷不用同時點，因為內含材料應該是一樣的，只是滑雞卷用了腐皮做外皮，個人較喜歡鮮竹卷，因為汁味好。2. 牛肉腸價值＄13.8，還算合性價比，材料有的，不是只有皮的腸粉。3. 法式焗樹頭包，想不到的很好吃！看外表以為是硬身的，其實樹皮的外型咬下去是軟的，內釀類似蛋白的材料，有類似梳夫里的口感！三件剛好！推薦4. 叉燒米粉，不值＄25.8，叉燒要外加三元，但卻不算好吃，硬且粗糙，不轉也罷5. 這酒樓如果還沒到下午茶時段，一樣會有一些優惠點心，相對來說，如果不想捱肚餓，這家會是不錯的選擇以一人五十元的價錢，在一個舒適的地方來幾客點心，在假期喝一杯茶，不也就正好嗎？