法式牛扒屋 (已結業)

雖然叫做法國餐廰，但係法國餐又唔係出名食牛扒，所以去之前都唔抱太大期望。入到去餐廰，雖然叫做氣氛浪漫，其實暗淡的燈光，溢出淡淡的懷舊氣氛。見附近D人都係熟客多，感覺似一間老字號西餐廰。餐桌的排位、餐具、壁畫及紅白格仔枱布，全部都好簡潔，及帶八九十氣代色彩。打開餐單，款式不算多。就算是所謂出名的牛扒，亦只得數款選擇。望落似一間舊式扒房多過甚麼法國餐廰。叫了兩個Set Dinner，頭盤一個係鵝肝，一個係seafood platter。鵝肝煎得不太膩，伴汁係調得不錯。Seafood Platter 就冇乜特別，不過有四隻生蠔咁大把(兩隻Irish Rock 兩隻美國唔知乜嘢),都算係咁啦。主菜係燒牛扒同埋羊仔鞍。牛扒燒得好香，頗為嫩口，但係其實煎牛扒有乜法國特式可言呢？跟住係燒羊鞍，羊鞍出奇地嫩口多汁亦不羶，非常可口，但係．．．何來法國呢？提及伴菜，簡單得出奇，只係白烚時蔬，真係好懷舊．．．不過佢哋個心太軟就真係好唔錯，皮夠鬆軟，朱古力亦香滑。總括而言，氣氛及服務良好，食物不差，但全無特式，更遑論有法國特式。不過三百多元有蠔有牛扒，都算仲規仲矩。