影片
更多
2014-05-19
1982 瀏覽
12-5-2014 (Mon)爸爸回鄉去,晚飯自己攪掂,同男友講後,佢提議o黎食佢已經食過o既混亂拉麵. 咁是但啦.我o地大約6:35pm到o黎,前面有幾個客等,我o地入到去坐低等喇,日藉女店員(唔知係咪老闆) 店員都遞上點菜紙俾我o地揀定,佢話俾我o地知加大蒜,野菜,背脂(即豬油)同特製醬油都唔使加錢,其他就要加$8.00-$25.00不等.我睇睇價錢,最平o既麵都要$75.00一碗,我揀o左$95.00o既全部入拉麵,只加一倍大蒜同背脂,要$10.00o既可樂.男友要$85.00o既芝士拉麵,加2倍大蒜同特製醬油,一倍野菜,要$10.00o既可樂.剔好後,店員會用紅筆圈返我o地揀o左o既o野,再寫埋同行人數,又俾返我o地繼續等,而男友又睇見到 $8.00o既生蛋,心郁郁想加,但當時已冇筆,就請店只幫我o地圈返,佢都圈好俾返我o地.我o地又等呀等,等呀等終於等到,我o地未坐好,店員即攞我o地o既菜單落單,重請我o地邊個坐邊個No.,坐低後就等.兩支細樽庄汽水到o黎,店員都俾張單我o地,落單時間係為6:46pm,我o地又係咁等係咁等,影吓樽魚醋,睇廚師炒芽菜仔,嗅住湯o既味道下,終於
我o地大約6:35pm到o黎,前面有幾個客等,
我o地入到去坐低等喇,日藉女店員(唔知係咪老闆) 店員都遞上點菜紙俾我o地揀定,佢話俾我o地知加大蒜,野菜,背脂(即豬油)同特製醬油都唔使加錢,其他就要加$8.00-$25.00不等.我睇睇價錢,最平o既麵都要$75.00一碗,我揀o左$95.00o既全部入拉麵,只加一倍大蒜同背脂,要$10.00o既可樂.男友要$85.00o既芝士拉麵,加2倍大蒜同特製醬油,一倍野菜,要$10.00o既可樂.
剔好後,店員會用紅筆圈返我o地揀o左o既o野,再寫埋同行人數,又俾返我o地繼續等,而男友又睇見到 $8.00o既生蛋,心郁郁想加,但當時已冇筆,就請店只幫我o地圈返,佢都圈好俾返我o地.
我o地又等呀等,
等呀等終於等到,我o地未坐好,店員即攞我o地o既菜單落單,重請我o地邊個坐邊個No.,坐低後就等.兩支細樽庄汽水到o黎,店員都俾張單我o地,落單時間係為6:46pm,我o地又係咁等係咁等,影吓樽魚醋,
睇廚師炒芽菜仔,嗅住湯o既味道下,終於等到第一碗(男友o個碗)到o黎,
時間係7:08pm,足足等o左22分鐘 ,真係誇張.而我o個碗都係相差1分鐘到o黎.
睇睇碗麵,其實唔算好大碗,可能我冇加乜菜物菜啦,而男友只見到芝士粉同生蛋o既o個碗,加o左野菜都只係高少少.我撈起啲麵影先,麵係粗麵,食得喇.
飲啖湯,湯味唔係好濃,質地又唔係好杰,鹹度適中,但有少少辣味,薄叉燒得三片,半熟味蛋有一隻,紫菜一片,基本o既食才有粟米,味筍,芽菜仔同椰菜,份量唔多.拉麵口感都有啲彈牙; 味筍有啲腍;甜粟米亦食到有牛油香,其他口感正常啦.而男友o既呢,
我睇唔到佢o既野菜有幾多,只知佢撈o左生蛋同芝士粉後,啖湯杰o左好多同啖啖有芝士粉味.之於枱上o既魚醋,感覺味道清清啲,酸度就不減.
食完成碗拉麵感覺份量o岩o岩好,唔會太飽,味道唔算好突出,只係可以俾客人加呢樣加o個樣作為噱頭而已.
味道係3.5分, 抵食係2.5分
環境:
好得意,長方形o既店舖整成前面等位同外賣區,入面就廚房兼用膳,光線同冷氣充足,但原來一路食,一路就覺得冷氣唔多夠,會流汗.
呢o度都有開音響,但我覺得大聲得滯.
服務:
出面安排等位o個幾個店員(包括日藉女店員)o既服務都唔錯,但等位10分鐘,等食22分鐘,足足用o左半個鐘等.
等食物呢點就要改善吓.
價錢:
而單印上半熟味蛋$10.00,但男友o個碗明明真係俾o左隻$8.00o既生蛋,咁就收多我o地$2.00.
其他:呢o度有雪藏外賣賣喇,價錢由$53.00起,店員話拎返屋企後加熱水煮就得.
張貼
