黑門水產すいさん (棉登徑)

之前已經嚟過呢一間餐廳，適逢最近疫情有好轉度，我都多咗出去食嘢。早嗰排食日本菜都會驚驚地，但係而家我覺得只要做好防疫嘅動作，其實普通食咩都唔會有咩問題。今日主要都係想食下魚生，最近都冇得周圍飛，更加掛住日本嘅刺身。所以就叫咗個刺身6盛，入面全部都係海鮮最好食嘅部份，亦唔係博切，而係厚厚一大塊上俾你。最鍾意佢嘅帶子， 十分鮮甜厚實。另外活鮑魚刺身都好爽口，加少少檸檬汁，帶出咗鮑魚嘅鮮味。男朋友鍾意食反卷，所以我哋叫咗一客，入面炸蝦雖然比飯包着，但係依然好脆好鮮。食完一啲壽司刺身，我哋就點左甲羅燒同漁貝燒。之前嚟呢間餐廳都有食過，今次水準依然無變非常好食！我特別推介漁貝燒，燒過嘅扇貝加上牛油10分好吃！我地仲叫左一個帆立貝伴魚籽醬，漁子醬脆脆包，兩個都鮮味十足！以星期一來講，呢度都爆場！證明真係好好食，好彩我有book位姐。