野郎Stone (已結業)

今日又係為自己叉叉電的時候了，在旺角新世紀影吓新年佈置和辦年貨，見一田有間野郎stone，係連鎖式的燒肉店， 之前在第二間一田食過好好味 ，老實講燒肉真是冇得輸。西冷扒150g加30蚊轉套餐， 可以任添薯蓉、飯意粉、沙律還有跟麵豉湯和一杯飲品，相當化算 。有塊石燒板托底， 熱辣辣 。生熟程度自己話事。 西冷肉質不錯，能保持以往水準，整塊肉油脂分佈得好均勻，食落入口即溶。跟餐的飯鋪上少許紫菜芝麻，我的食法是一啖飯加一啖肉再沾上少少醬汁一起吃，真是滋味十足。值得encall再encore。而不吃牛的朋友就叫了西班牙產黑豚， 同樣好味。