影片
更多
2020-10-27
367 瀏覽
今日特登去深水埗蘇媽.蘇媽到食，成日都聽到朋友講好好食，但係次次去都係勁多人排緊隊，就打消左個念頭。今日堅持排下隊，我同女朋友兩個排左around 45分鐘左右，因為真係好多人。入坐左之後，係需要自己寫紙落單，簡單叫左百吉爹肉骨茶(三層肉)、招牌砂煲老鼠粉同埋椰香咖央多士，野飲就叫左馬來西亞拉茶(凍)同埋美祿恐龍。落左單冇耐，店員比左茶我地飲，係肉骨茶呀，唔係普通洗餐具果杯水，最開心就係飲完仲可以無限refill，真係不得了。百吉爹肉骨茶(三層肉) $48本身想叫推介果3款，不過見到太大碗，會飽到嘔，所以叫左個細既試試先，下次多D人黎食先叫個大。肉骨茶味道一樣，好濃香，不過藥材味就唔算好重，我個人就比較中意藥材味重D。肉就有肥膏同有肉既部份，單食可能會有少少膩，不過跟餐廳指示整果一款豉油點黎食，口感會冇咁肥膩同埋係另一個層次，好好食。招牌砂煲老鼠粉 $84好大份，好香，飽到傻左。用砂煲有少少炒香既味道同埋冇左湯銀針粉既粉粉地既口感，好香口，不過真係好大煲，應該3-4個人黎食先叫呢個，如果唔係2個人黎食，呢個會太飽試唔到其他款。椰香咖央多士 $28多士真係要即刻新鮮食，好脆口同埋椰香咖央
入坐左之後，係需要自己寫紙落單，簡單叫左百吉爹肉骨茶(三層肉)、招牌砂煲老鼠粉同埋椰香咖央多士，野飲就叫左馬來西亞拉茶(凍)同埋美祿恐龍。落左單冇耐，店員比左茶我地飲，係肉骨茶呀，唔係普通洗餐具果杯水，最開心就係飲完仲可以無限refill，真係不得了。
百吉爹肉骨茶(三層肉) $48本身想叫推介果3款，不過見到太大碗，會飽到嘔，所以叫左個細既試試先，下次多D人黎食先叫個大。肉骨茶味道一樣，好濃香，不過藥材味就唔算好重，我個人就比較中意藥材味重D。肉就有肥膏同有肉既部份，單食可能會有少少膩，不過跟餐廳指示整果一款豉油點黎食，口感會冇咁肥膩同埋係另一個層次，好好食。
招牌砂煲老鼠粉 $84好大份，好香，飽到傻左。用砂煲有少少炒香既味道同埋冇左湯銀針粉既粉粉地既口感，好香口，不過真係好大煲，應該3-4個人黎食先叫呢個，如果唔係2個人黎食，呢個會太飽試唔到其他款。
椰香咖央多士 $28多士真係要即刻新鮮食，好脆口同埋椰香咖央味好香，不過如果唔中意椰香味可以叫另一款淨係咖央多士。
馬來西亞拉茶(凍) +$16拉茶基本上係無得輸，真係好好飲。一定係必叫。
美祿恐龍 $33感覺一般，CP值唔係好高。叫返拉茶好過。
Overall黎講，如果決定左要食，真係要頂得住排隊呢一個位，因為真係可以等好耐，同埋過左叫飛number就重新排過啦，唔好行開啦。
真係好岩馬拉野既朋友，我一定會再去過食！
張貼
