黑木亭居酒屋 (金馬倫道)

太太今日係尖沙咀做瑜伽，約咗佢之後去食日本菜。睇食評見到依一間唔錯，門口又有Halloween裝飾，幾應節。冇乜idea食乜嘢，就參考吓其他人識啲乜嘢，叫咗龍蝦兩食同啤酒拉麵。先上咗個龍蝦刺身，都唔少肉，好鮮甜，頭爪就攞去煮飯。個爪好多肉，頭有好多膏，飯好好味，唔錯。啤酒拉麵以為真係啤酒，原來啲白泡係忌廉，攪勻食，好特別，好味，好多人都有叫呢個拉麵。飲品我叫咗一杯士多啤梨乳酸，酸酸地，好啱我口味。同埋一杯蜜桃烏龍茶。有隻小熊冰冰，幾cute，味道唔太濃，唔太甜，我太太鍾意。侍應服務唔錯，又幫我哋換碟。我哋坐卡位，幾舒服，下次嚟都要坐返卡位。食到飽飽，又好味。