吉壽日本料理 (已結業)

今日上午喺中環，所以食埋lunch先返公司。原本想去大吉，點知 full 咗，落到樓下見到呢間嘅廣告，就嚟試吓喇。我 order 咗三色丼($138)，而朋友就要五色丼($138)，首先送上湯、螺肉和番茄salad。螺肉和番茄salad就普普通通，但湯就好好味。朋友嘅五色丼先到，有三文魚、吞拿魚、鱆紅魚、海胆和甜蝦，朋友話味道一般。我嘅三色丼到喇，賣相不錯，有三文魚子、海胆和碎葱吞拿魚，三文魚子和海胆都OK，但碎葱吞拿魚就唔得，冇味嘅，飯少咗D，味道又麻麻哋。Overall食物質素一般。最後有雀巢雪糕，OK喇。