影片
更多
2014-09-11
2238 瀏覽
大前日(8-9-2014 Mon)中秋節,老闆請食晏,同事o係o度book o左位,留o左兩張枱約23人食.我o地o個圍11人全女班,叫o左:1. 是日保健老火湯唔知咩湯,侍應話係魚湯,分到13碗出o黎,湯o既味道好好,又冇味精,唔錯.2. $298.00優惠自三寶o既其中一個,蒜蓉炒芥蘭掰走o左好多菜,芥蘭唔苦,軟硬度適中,但好似冇乜蒜味.亦唔覺憬炒.3. $35.00o既芋絲春卷又唔覺有芋絲,,同普通春卷冇乜中分別.4. $55.00o既當歸鳳爪兩碟鳳爪好腍,但我食唔到當歸味.5. $48.00o既米網鮮蝦腸粉米網炸得好脆,蝦仁唔多.6. $48.00o既富豪XO醬帶子炒腸粉兩碟我只食一條腸粉,唔算太辣o既,不過我唔會食多條囉.7. $48.00o既椒鹽龍鬚即係椒鹽魷魚鬚,幾乾身,o岩o岩炸起幾熱同脆,不過唔多夠味.8. $298.00優惠自三寶o既其中一個,蜜汁叉燒顏色好靚,咁o岩我食o左頭同尾,軟硬又係適中,但蜜味唔太夠.9. $90.00o既脆皮燒三層肉好細碟,切到正正方方,一啖一件,及脆又唔太鹹,OK.10. $298.00優惠自三寶o既其中一個,荷香籠仔蟲草花蒸肉眼肋上到
1. 是日保健老火湯
唔知咩湯,侍應話係魚湯,分到13碗出o黎,湯o既味道好好,又冇味精,唔錯.
2. $298.00優惠自三寶o既其中一個,蒜蓉炒芥蘭
掰走o左好多菜,芥蘭唔苦,軟硬度適中,但好似冇乜蒜味.亦唔覺憬炒.
3. $35.00o既芋絲春卷
又唔覺有芋絲,,同普通春卷冇乜中分別.
4. $55.00o既當歸鳳爪兩碟
鳳爪好腍,但我食唔到當歸味.
5. $48.00o既米網鮮蝦腸粉
米網炸得好脆,蝦仁唔多.
6. $48.00o既富豪XO醬帶子炒腸粉兩碟
我只食一條腸粉,唔算太辣o既,不過我唔會食多條囉.
7. $48.00o既椒鹽龍鬚
即係椒鹽魷魚鬚,幾乾身,o岩o岩炸起幾熱同脆,不過唔多夠味.
8. $298.00優惠自三寶o既其中一個,蜜汁叉燒
顏色好靚,咁o岩我食o左頭同尾,軟硬又係適中,但蜜味唔太夠.
9. $90.00o既脆皮燒三層肉
好細碟,切到正正方方,一啖一件,及脆又唔太鹹,OK.
10. $298.00優惠自三寶o既其中一個,荷香籠仔蟲草花蒸肉眼肋
上到o黎以為係咩梅子蒸排骨,因為佢唔係用籠仔上而係用碟,而且係橙橙地色.食落好少少酸味,口感好好,似厚身豬頸肉.
11. $45.00o既原隻蝦餃皇
大大隻,不過我食唔到蝦餃應有o既味道.
12. $48.00o既花雕醉雞翼
雞中翼切成半件,味道o岩o岩好唔苦,OK.
13. $36.00o既蛋黃麻蓉包兩籠
唔算好甜.
14. $48.00o既鵪鶉蛋燒賣兩籠
大大件,但味道都普通.
15. $43.00o既蟹子燒賣皇兩籠
同樣大大件,但味道都普通.
16. $36.00o既鮮竹牛肉球兩籠
都係大大件,但味道都普通.
17. $43.00o既北菇滑雞紮兩籠
大大件,有芋頭,魚肚,半件北菇同雞中翼,味道正常冇問題.
冇食到o既有:
18. $45.00o既海皇蜂巢荔芋角
19. $36.00o既鳳城糯米包
同事話好食,好有糯米香.
20. $45.00o既紅油抄手
好紅,但同事話唔辣.
21. $38.00o既荷香瑤柱珍珠雞兩籠
22. $35.00o既蠔皇叉燒包兩籠
23. 送o既甜品
有紅 / 綠豆沙同木瓜雪耳,我要木瓜雪耳,上糖水時,見到灰灰地,黑黑地o既,係咩呢?原來係紅豆沙,咁o既色,好唔好食o架?女老闆話好食,另一個女同事話攪攪吓啲色就正常返.
講返我o既木瓜雪耳,味道唔係好甜, 木瓜亦唔夠甜,一般吧.
** 兩張枱o既食物同份量一樣**
值得一讚o既係餐前小食炸白飯魚,又脆又鮮.
呢o度茗茶每位$13.00,芥醬$16.00一份(每圍兩份).
由於唔知是日保健老火湯幾錢,所以價錢冇計呢個.
環境:如果坐12人,就係正常迫夾,冷氣o係我o地飲o左湯後就開始覺得熱,要叫人開大啲.
張貼
