影片
更多
2010-01-01
24 瀏覽
上星期六同屋企人試一間開咗約一個月嘅「賣豬仔特式燒烤坊」，呢間食店似一般茶餐廳，面積較細，位處深水埗順寧道，唔係區內居民恐怕比較難搵。不過，環境同地點唔太重要，食物嘅水準有冇賣人豬仔先係最緊要，咁…..結果我哋有冇被人賣豬仔呢？我哋叫嘅食物有越南BB豬，脆皮BB鴿，家鄉醬蹄，燒多春魚，鹵水豬仔腳，串燒牛柳粒及燒蒜香茄子共七樣：越南BB豬：雖然係食店嘅主打菜，但味道及食法同一般燒乳豬冇乜分別，幾好食但冇任何特色脆皮BB鴿：店主話可以楝燒或炸鴿，但佢提議先試燒嘅方法，所以我哋就試咗燒BB鴿，結論係隻鴿皮脆多汁，香口入味，但我估隻鴿只算係靚模鴿，因為佢嘅肉質冇我係其他地方食過嘅所謂BB鴿嫩滑。家鄉醬蹄：幾欣賞個汁（後來先發現原來呢個汁係萬用汁嚟），好配合到醬蹄嘅清爽唔肥膩，入味又有咬口，易入口，估唔到呢味係我哋最鍾意嘅食物。燒多春魚：幾好食，只係冇乜驚喜咁，又係同普通燒烤冇分別，亦唔見有乜特色汁醬俾我哋點。鹵水豬仔腳：豬仔腳整得幾稔幾入味兼有咬口，份量亦算多，本來係唔錯，問題係改錯名，根據個名梗以為個汁係鹵水汁，實情係用咗食店自家嘅汁醬整，味道較甜同有些微辣，同我哋食開嘅鹵水汁係兩回事。唔係
我哋叫嘅食物有越南BB豬，脆皮BB鴿，家鄉醬蹄，燒多春魚，鹵水豬仔腳，串燒牛柳粒及燒蒜香茄子共七樣：
越南BB豬：雖然係食店嘅主打菜，但味道及食法同一般燒乳豬冇乜分別，幾好食但冇任何特色
脆皮BB鴿：店主話可以楝燒或炸鴿，但佢提議先試燒嘅方法，所以我哋就試咗燒BB鴿，結論係隻鴿皮脆多汁，香口入味，但我估隻鴿只算係靚模鴿，因為佢嘅肉質冇我係其他地方食過嘅所謂BB鴿嫩滑。
家鄉醬蹄：幾欣賞個汁（後來先發現原來呢個汁係萬用汁嚟），好配合到醬蹄嘅清爽唔肥膩，入味又有咬口，易入口，估唔到呢味係我哋最鍾意嘅食物。
燒多春魚：幾好食，只係冇乜驚喜咁，又係同普通燒烤冇分別，亦唔見有乜特色汁醬俾我哋點。
鹵水豬仔腳：豬仔腳整得幾稔幾入味兼有咬口，份量亦算多，本來係唔錯，問題係改錯名，根據個名梗以為個汁係鹵水汁，實情係用咗食店自家嘅汁醬整，味道較甜同有些微辣，同我哋食開嘅鹵水汁係兩回事。唔係話呢個汁唔ok（其實都幾好味），而係似乎有d買牛肉得雞肉嘅感覺（我冇話唔鍾意食雞，但我買得牛肉梗係想食牛啦。）
串燒牛柳粒：同樣用咗食品自家嘅甜醬嚟燒，配合埋呢個牛柳粒，我就覺得甜咗d，突出唔到牛柳粒被燒烤後會釋放出嚟嘅牛肉香味。
燒蒜香茄子：d味道又係熟口熟面，因為一樣係用咗自家嘅甜醬嚟燒，蒜頭同茄子味都被d甜醬蓋晒，唔係唔好食，而係好似唔同食物嘅味道都係一樣咁。
其實，呢間食店嘅招呼相當唔錯，主動又有禮，而且食物質素都ok，嚟呢度食嘢都唔會覺得被人賣豬仔，問題係食物嘅製法同味道都稍欠特色，而且有d重複，成間食店純粹似一個有侍應服務嘅燒烤場。如果呢間食店要繼續發揚光大，食店老闆一定要諗多d計先至得啦。
張貼
