影片
更多
2011-09-23
23 瀏覽
同好多人一樣，買左的coupon 到這裡吃東歐菜，未食過想試下。佢個set 睇落好似好多野食，138+40 都ok(一位)，重有個冰屋睇，有少少期待。睇到我標題都知有不愉快經歷，因為"IVAN"仔，我貢獻出我人生第一個所謂"食評"。下面一樣是團購的朋友講得好，我都係冇相片提供，因為實在冇心情去影，當晚連說話都少，只想盡快離開。一去到個四眼仔老闆粗聲粗氣，禮貌一般，坐低後就介紹Menu，點菜後非常想我們在drink list 挑附費飲品，因開頭見到drink list 上有礦泉水的格價，心想叫水要附費，可能之後會叫東歐 Beer吧。(團購的朋友下次團購時要留意個餐有冇野飲，如冇的話水又要錢其實未必抵) 我隨意說說叫了什麼，但吃完後真不知那裡值138+40(一位)，個Menu 上面重寫呢個set 如沒coupon 收400免加一(2位)，甘即係唔洗coupon 2位都只不過貴約$20，即係所謂下面條link 話的"(原價$400)"(一位)，又係老吹，其實都預左，但原來團購只係平左$20，仲要限日子。雜菜湯 - 淡而冇味，仲要唔熱，可以當水飲三文魚湯 - good前菜 - 三文魚子panc
睇到我標題都知有不愉快經歷，因為"IVAN"仔，我貢獻出我人生第一個所謂"食評"。
下面一樣是團購的朋友講得好，我都係冇相片提供，因為實在冇心情去影，當晚連說話都少，只想盡快離開。
一去到個四眼仔老闆粗聲粗氣，禮貌一般，坐低後就介紹Menu，點菜後非常想我們在drink list 挑附費飲品，因開頭見到drink list 上有礦泉水的格價，心想叫水要附費，可能之後會叫東歐 Beer吧。(團購的朋友下次團購時要留意個餐有冇野飲，如冇的話水又要錢其實未必抵)
我隨意說說叫了什麼，但吃完後真不知那裡值138+40(一位)，個Menu 上面重寫呢個set 如沒coupon 收400免加一(2位)，甘即係唔洗coupon 2位都只不過貴約$20[用coupon 是 (138+40) x 2]，即係所謂下面條link 話的"(原價$400)"(一位)，又係老吹，其實都預左，但原來團購只係平左$20，仲要限日子。
雜菜湯 - 淡而冇味，仲要唔熱，可以當水飲
三文魚湯 - good
前菜 - 三文魚子pancake/海鮮卷/龍"利"/沙律/薯餅，賣相唔得、份量少，除個龍"利"好D之外，其他唔算特別
主菜 - 三文魚 - 乾到冇朋友，食到尾唔想食
主菜 - 酥皮牛仔肉，唔明有乜o甘東歐，只是好像酥皮湯放左D 牛肉，只可以話牛有牛味o羅
甜品 - apple 批(又係pencake，得玉桂冇apple 味) + 炸雪糕 (油係多D，我都覺幾特別)
睇完之前巴打絲打的好評和團購友的分享，推論出團購個份量和用料應該係小D 同細份D，o甘IVAN 仔就可以團購賺正價錢
講番我最唔Happy個樣，就係杯水。D野唔arm食唔緊要，當大家口味唔同。份量少唔緊要，佢地d野偏重味和油，其實勉強話剛剛好。我之前話過以為水要錢，後來知道原來唔洗，因為見到有人叫，佢拿水壺倒水，有D新坐低的一坐已經有水，我地坐左半個鐘一滴水都冇(有D人都冇)，亦都冇人問你(乜其實要人問先有的嗎?可能東歐個邊係o甘囉)，當我係偏見都好，我會覺得佢地想你order 要錢o既水或其他野，真係有人order 左附費o既水。佢d野o甘重味冇水飲仲點會唔想快D走?去到o甘Beer 都唔想叫。下面分享說的對，上菜速度快，食完甜品我都未叫埋單已經"隊"張單過來趕你走。我心想你地o係呢D細眉細眼位趕客，我真係要幫你地發揚光大。
走o既一刻有d 解脫o既感覺(唔係講笑)，順便去下佢個冰屋，嘩呢間野真係貫徹始終，間冰屋似一間零下十度o既雜物房，重要勁細，D酒樽上面又有污漬。
其實經此一役都多謝"IVAN"仔，另我對之後的團購會更加審慎，多人買的未必好。
張貼