影片
更多
2018-04-09
516 瀏覽
星期五放工，本身諗住一條友就求其食啲野返屋企，但次次去葵芳都食”Rainy Day”米線，已經食到諗下咋條脷都好似嗒到佢陣味咁滯，加上女朋友叫我對自己好啲，好，咁我就不如揀間未食過嘅試下，如果好食嘅下次可以同女朋友去食。去到新都會電梯附近，見到少爺18個牌，因為平時我地兩個都中意食喇沙果啲，見又未洗等位，就一於呢間啦！點知選擇困難症嘅終結，原來係中伏旅程嘅開始...一入去，就被安排坐一張2人枱，一邊係梳化，一邊係普通木櫈。我同其他人一樣，都會首選梳化果邊，將個背囊放喺木櫈。點知一坐，直頭成個人沉左落去... 好唔舒服，於是我起身將個背囊放過梳化，一望，嘩！果張梳化布污糟到個心離到離呀！驚魂甫定，岩岩坐好，侍應就放低左一壺茶同一個杯，然後一句野都冇留低就行開左... 我直覺話比我知，呢壺茶笨唔係免費，但見識少嘅我印象中多數係食中菜先會收茶介，於是我本能地打開Menu睇下，果然$6位茶介。其實價錢就reasonable嘅，不過我去茶樓都可以揀茶，呢度冇比我揀過，壺茶講真我就好唔中意陣味！而且作為一個食客，我就會覺得佢咁樣好蠢囉。就以我為例，食星馬泰野會好口渴，都會叫杯野飲，咁一杯都ard
一入去，就被安排坐一張2人枱，一邊係梳化，一邊係普通木櫈。我同其他人一樣，都會首選梳化果邊，將個背囊放喺木櫈。點知一坐，直頭成個人沉左落去... 好唔舒服，於是我起身將個背囊放過梳化，一望，嘩！果張梳化布污糟到個心離到離呀！
驚魂甫定，岩岩坐好，侍應就放低左一壺茶同一個杯，然後一句野都冇留低就行開左... 我直覺話比我知，呢壺茶笨唔係免費，但見識少嘅我印象中多數係食中菜先會收茶介，於是我本能地打開Menu睇下，果然$6位茶介。其實價錢就reasonable嘅，不過我去茶樓都可以揀茶，呢度冇比我揀過，壺茶講真我就好唔中意陣味！而且作為一個食客，我就會覺得佢咁樣好蠢囉。就以我為例，食星馬泰野會好口渴，都會叫杯野飲，咁一杯都ard $30啦，但佢咁樣強制我要比$6，我明明想叫野飲都變左唔叫。
講返野食，平均一樣野食$80-100左右，個人覺得係頗高，因為餐牌上嘅野食唔係啲咩特別野... 全部散叫，冇餐。最後我揀左個印尼炒飯同花生雞腳。
印尼炒飯拼串燒 2分
色 - 簡直係「圖片只供參考」嘅表表者。（請睇相中比較），仲話係推介喎...
香 - 冇乜香味，溫度只係微暖，但留意返，炒飯嚟架喎...
味 - 我食過嘅印尼炒飯就咸咸香香，惹味嘅，但呢度個炒飯呢，我完全唔覺得佢炒過架囉... 感覺似係用易潔鑊係咁椅兜兩下就上碟... 飯入面有4隻冇味嘅急凍蝦同埋幾粒冇味嘅雞肉，伴碟嘅亂草係菜苗，同個飯完全唔夾... 蝦片又係冇味同埋腍靭... 串燒普通，限雞肉，冇得揀。我比果2分係因為佢做到一碟飯嘅基本要求：飽肚...
雞腳 負分
係，係負分負分負分，好唔掂所以要講3次！
色 - 正常
香 - 冇香味，凍嘅！唔係冷盤果種凍喎，係煮起好奈，㷫返暖比你都懶果隻凍！
味 - 大佬，雞腳呀... 攤凍左好難食架囉... 夾起果下都知伏都暈架喇... 硬到我都唔識形容... 用門牙係咬唔開架！要用大牙咬，結果我仲因為用力得滯，咬爛左條骨，之後插損埋條脷... 根本成碟野淨係上左色，求其煮熟就比人食！
我成日都話，貴唔緊要，我入嚟之前都知價位架啦，好食嘅話咪OK。。。少爺18，我真係好想會一會呢位少爺，究竟有佢冇食過佢間18嘅野？究竟佢啲味蕾仲係咪function得到？
雖然我只食左兩樣野，其他都未試過，不過咁嘅質素，唔會令我有再嚟嘅衝動囉！
7 瀏覽
0 讚好
0 留言
張貼
