Monster Sushi (已結業)

因為知道今日會比較夜食飯，朋友提議食呢間日本野，因為有coupon的話9:30pm後入座每＄250就減＄100，感覺上都算幾抵，所以就決定食佢啦。左約9點去到未夠鐘入座就係門口等左陣，門口既staff都算有禮貌，問我地係咪有coupon，又請我地等一陣咁。有位入到去，見到d staff都係咁做做做，杯茶未飲過已經幫我地fill茶，其實服務態度唔錯，又未遇到一d會黑面既staff。好啦講番食物方面，有必叫既三文魚刺身、花之戀同芒果花之戀（因為太肚餓未有影相 ）。三文魚刺身同花之戀keep住都係凍既，肥美，唔錯！而芒果花之戀，配搭唔錯，芒果唔會酸，可以一試。仲有牛油炒雜菇，份量幾多，有牛油味，唔似其他放題鋪是但炒完但冇味既好。最後last order叫左呢個哥斯拉卷，佢外層係似小小酥咁既口感，食落幾特別幾得意。係門口等個陣睇menu，見到價錢都比較貴，但用左coupon之後，兩個人食total都係3百幾蚊，仲食到好飽，質素比放提高，價錢幾抵。