六合小廚 (已結業)

Happy Friday 收左工約埋剛係外國返黎嘅朋友食飯😃朋友係外國食慣西餐，今晚由我揸主意同佢食中式，朋友緊係拍晒手贊成啦👏🏻六合小廚係我食過嘅中餐最鍾意其中一間，套餐同散叫都選擇多，最緊要係夠晒鑊氣👍🏻當我同朋友商量叫邊個二人餐，言談間店員（相信應該係老細🤣）聽倒我朋友係外地返港，佢就推介我地試下d特別菜式：重慶傳統菜（毛血旺）- 佢話真係好小地方有得食，材料好豐富，有木耳，豬皮，鴨血，鮮魷魚，水魷魚，牛栢葉，最香就係成碟餸鋪滿香芹，芫茜、芽菜同紅辣椒🌶️⋯⋯豬皮同鴨血等索晒d辣汁，夠晒惹味，朋友鍾意食辣，呢個菜真係好岩佢胃口😋淨係個汁撈白飯已經正到不得了👍🏻蜜椒土豆牛腩粒 - 牛腩好腍滑，黏住小小根有咬口，而且好有鮮牛味，薯粒應該先炸過，外面小小濃邊，內埋好粉而且帶小小蜜甜（感覺似食緊反沙芋🤗）黑椒牛柳粒黏埋甜薯粒，成件事出奇地夾😋呢個餸好有驚喜😋蒜蓉通菜 - 火喉控制得好好，上枱仲係好翠綠。其實食中菜嘅精髓就係餸菜夠鑊氣，上枱仲係熱辣辣，六合小廚都做倒👍🏻