The Upper Deck (裝修中)

公司嘅team lunch去依到食。我就嗌咗一個牛扒餐配薯菜，加杯凍檸茶，成個set lunch $208。佢除咗有呢個主菜之外，仲有個前菜嘅，個前菜就係芝士沙律。依款芝士要配羅馬生菜一齊食，中和佢既酸度，份量好足，食完份沙律已經有少少飽飽地。至於份牛扒我就Order咗medium，由於時間關係，我就冇近影到塊牛扒切出嚟嘅樣。但我可以講，塊牛扒煎得非常之靚，切出嚟個顏色係非常均勻。一擺塊牛扒落個口度就聞到陣陣嘅牛香味， 廚師煎到有少少燶邊，幾香口。值得一提雖然啲薯條好幼身，但皮唔厚，都同炸得好脆，如果切厚少少就完美。