港畔餐廳 (已結業)

因為公司close,大家選左大部分人都未食過既洲際。我地一行6人去到，先有一杯welcome drink,可以選啤酒，汽水或果汁。先黎食個沙律先，選擇都好多而且款式特別，有羽衣甘藍、墨西哥沙律出面比較少有。跟住海鮮類，除了生蠔外，其他海鮮大部分都有，開邊龍蝦，麵包蟹，長腳蟹等等，海鮮鮮味十足，不過略嫌長腳蟹有點咸。熱盤有鵝肝，韓式食品，最鍾意佢既湯，中湯係燕窩羹，西湯係海鮮周打湯，兩款都好好味。甜品選擇亦很多，中式西式都有，馬卡龍嫌略甜，雪糕口味清新，好開胃。