馥 (已結業)

記得上年聖誕前係公司都有聖誕party，又有交換禮物同抽獎咁，食物方面就叫壽司pizza等。今年太多人放假外出旅行，所以冬至前一日出左去食lunch慶祝下。去左公司附近食日本料理，呢間好難book位，之前想嚟食次次都話full booking，今次終於book到，俾左個房間位置我地，唔會好似大廳嗰邊咁嘈，可以自己傾下計都唔錯。前菜有漬物加沙律，好香醋味，不過我都係唔敢食生冷野所以俾左同事食，佢話個沙律都好新鮮而且菜切得細件，容易食。蒸蛋，蛋好滑，配上蘿蔔絲增加口感，正呀。吉列日本豬扒套餐唔食得刺身，叫左份吉列豬扒，外脆內軟，唔油膩又鬆軟，配啲醬同芥末醬好開胃，食曬成碗飯呀。下次我地會再嚟㗎。