公主 (已結業)

一個好舒服既地方，周圍既裝飾佈置都比人好舒服既感覺。公主既主題，女士一定好鐘意。餐廳寧靜，令客人可以舒適地享受用餐。 一嚟比左曲奇餅我地食，一入口辣既！原來呢度有好多唔同味度既曲奇，除左一般常見味道，仲有泰式冬陰公，四川麻辣味等等，值得試下呢d全新味道！ 之後上左麵包，包比較硬身，所以都配上醬料。黑莓牛油，似牛油但又冇牛油咁膩，都幾香，食落有淡淡既黑莓味，原來店主要用成日去預備，十分特別！另外仲有橄欖油&黑醋，少少酸，用黎點包食好夾 花花世界，有紅菜頭，黃菜頭，西瓜，好fresh，好健康，賣相吸引，色彩豐富。 珍珠背灣，日本帶子配上粟米蓉醬。帶子外層輕輕燒過，入面仲好新鮮，粟米醬好香，入口香甜，配搭一流！ 冰菜沙津(daily special)，第一次食冰菜，感覺好好，望落好似有一點點水滴喺菜表面似結左冰。食落爽得嚟又夠清甜，三文魚唔會太厚，配埋冰菜唔會搶左大家既味道。 慢煮牛柳(daily special)，碟上有磨菇醬，又有西洋菜醬，牛肉又嫩又滑，西洋菜醬好清，唔會蓋過左牛肉味，更能帶出牛肉鮮味！ 橘豚蜜語，慢煮五花腩，甘筍，橙醬，五花腩煮得好好