韓珍 (帝國中心) (已結業)

今日黎到尖沙咀 想食韓式燒肉 決定試下依間都幾多好評既韓珍，聽聞好似幾正宗☺️依到既老闆同店員好多都係韓國人，令人感覺有d期待😚店鋪環境寬闊光猛，坐得舒服。都幾適合一大班人聚會。每枱都有一個抽煙既煙通，吸返d煙，所以唔洗怕食完會成身味！店員服務都不錯，會主動換網。依到有好多唔同既肉類部分選擇，心大心細既我就簡左個八色珍味拼盤，姐係四色五花肉同四款牛肉。上肉之前店員先送上多小碟韓式小菜，有泡菜、魚糕條、蘿蔔條、薯仔等等，先開開胃😀同時附上沾燒肉既幾款醬汁。之後就係上左鑊仔蛋餅，正呀依個，熱辣辣上，裡面有芝士同洋蔥，好滋味，食韓燒一定要有煎蛋😍😍今日既重點來啦，其實四色五花肉分別係咖哩、大醬、黑椒同埋香草，睇落好似得一個小碟既份量，但其實佢只係捲起左，攤返開係成大條五花肉，望落絕對係2-3人既份量😂五花肉肥瘦適中，唔會係好多肥膏個種，肉質都軟稔，每款五花肉都食得出吾同既味道，可想言之係醃得幾入味。當中個人最喜歡係咖哩口味，唔會太辣又小小惹味。店員同時附上生菜生洋蔥，生菜包五花肉一流😛夠fresh唔會食食下覺得膩！而牛肉方面，分別有厚切牛舌、牛里脊、雪花牛肉同烤排骨。牛肉就比較快，燒一陣就食得