影片
更多
2023-07-10
511 瀏覽
餐廳：E Molto Buono (銅鑼灣)地址：銅鑼灣霎西街28號必發商業大廈2樓E Molto Buono喺意大利文解做「非常好」👍。餐廳主打法國同意大利菜🇫🇷🇮🇹，希望盡善盡美提供最好嘅食物、環境同質素比每一個客人。柔和浪漫嘅燈光同蠟燭🕯，高貴雅致嘅裝修✨，喺水晶燈之下品嘗美食，望住出面銅鑼灣嘅鬧市街景，仿佛形成一種強烈對比🆚。喺有情調嘅環境之中要提醒自己抽離煩囂，好好享受當下，食完飯仲可以行出露台沉澱一吓生活當中嘅愁緒😌餐廳晚市得一個Set Menu($928)，而每3-4個月就會按時令食材轉換新Menu，依家仲做緊比現金8折、比信用卡85折嘅優惠💳，原價去食好西同平接近$200去食同一樣嘅好西，我諗每個人都會識揀😎，而為咗好好享用成個用餐體驗🍽，記得同你所約嘅人預留返大概3個鐘時間，慢慢細味享受當前一刻☺️先嚟嘅喺熱辣辣香脆可口、新鮮烘烤嘅自家製墨汁麵包同香草包🥯，另外仲有芝士脆片，配上自家製嘅辣肉南瓜醬同香草茄子醬，喺個非常好嘅開始，麵包仲可以添加㗎😍✝️西班牙紅蝦他他將爽彈鮮甜嘅西班牙紅蝦切成細粒🦐，底層有加咗wasabi蛋黃醬嘅西芹洋蔥沙律🥗，面頭放咗一塊柚子啫喱，另外仲有
地址：銅鑼灣霎西街28號必發商業大廈2樓
E Molto Buono喺意大利文解做「非常好」👍。餐廳主打法國同意大利菜🇫🇷🇮🇹，希望盡善盡美提供最好嘅食物、環境同質素比每一個客人。
柔和浪漫嘅燈光同蠟燭🕯，高貴雅致嘅裝修✨，喺水晶燈之下品嘗美食，望住出面銅鑼灣嘅鬧市街景，仿佛形成一種強烈對比🆚。喺有情調嘅環境之中要提醒自己抽離煩囂，好好享受當下，食完飯仲可以行出露台沉澱一吓生活當中嘅愁緒😌
餐廳晚市得一個Set Menu($928)，而每3-4個月就會按時令食材轉換新Menu，依家仲做緊比現金8折、比信用卡85折嘅優惠💳，原價去食好西同平接近$200去食同一樣嘅好西，我諗每個人都會識揀😎，而為咗好好享用成個用餐體驗🍽，記得同你所約嘅人預留返大概3個鐘時間，慢慢細味享受當前一刻☺️
先嚟嘅喺熱辣辣香脆可口、新鮮烘烤嘅自家製墨汁麵包同香草包🥯，另外仲有芝士脆片，配上自家製嘅辣肉南瓜醬同香草茄子醬，喺個非常好嘅開始，麵包仲可以添加㗎😍
✝️西班牙紅蝦他他
將爽彈鮮甜嘅西班牙紅蝦切成細粒🦐，底層有加咗wasabi蛋黃醬嘅西芹洋蔥沙律🥗，面頭放咗一塊柚子啫喱，另外仲有鮮魚籽同柚子泡沫🫧，食落除咗有豐富層口感之外，仲好似食緊Fusion版柚子沙律咁🤩
✝️意大利雜菜湯
足料嘅雜菜湯有洋蔥🧅、意大利青瓜、紅白腰豆、紅蘿蔔🥕、百里香🌿、芹菜等材料，飲落清甜健康而無味精👍
✝️香煎鵝肝
將香煎過嘅鵝肝放上鬆脆多士，配上酸甜意大利油醋汁同自家製紅酒釀車厘子🍒，即刻中和咗鵝肝嘅油膩同邪惡感😈，同時不失鵝肝獨特嘅香氣
✝️番石榴雪葩
喺食主菜之前，店員送上清新冰涼嘅番石榴雪葩清一清口腔🍧，同時做個中場間隔，好好咁迎接接下落嚟嘅美食😋
✝️慢煮鹿兒島豬上肩肉
用咗慢煮方法去烹調日本鹿兒島豬上肩肉🐷，即喺我哋平時食叉燒最常見嘅肥瘦均勻梅花肉，
脂肪同豬肉絲縱橫交錯，食落既軟嫩又充滿脂香，一啲都唔油膩，配上面頭嘅寶雲酥層酥香更甚🤤，不過個人覺得有少少蓋過咗豬肉嘅原味🤏，底下仲有蜜糖芥末蘋果蓉同百里香燒汁，配埋法國著名嘅普羅旺斯燉菜一齊食就更豐富有特色
✝️Dessert of the day
是日甜品喺蘋果肉桂脆卷配雲呢拿雪糕🍨，外形有啲似中式春卷，但最欣賞喺脆卷做到極致薄脆💥，好似米紙咁薄仲要超脆真喺好考功夫👏，當中釀入蘋果粒同肉桂粉，每啖配上少少雪糕一齊食滋味無比🥰
✝️Petit four
食法國菜嘅最後點會無Petit four，喺好常見嘅法式一口小甜點🧁，餐廳送上蝴蝶酥、馬卡龍同朱古力，食完再飲埋呢杯暖笠笠玫瑰茉莉花茶🫖，為呢餐美好晚宴畫上完美句號
張貼
