潮牛棧 (已結業)

不論你堂食定外賣，都係俾紙碗同成set即棄餐具你，紙碗size同對面大家姐食個碗仔翅差不多，遂個人問要辣椒油，要又用個外賣醬料膠兜仔裝俾你，放支辣油喺枱面有幾難，食一餐都唔知要破壞幾多地球先夠。我都知請洗碗貴，唔洗留洗碗位就可以成個鋪做哂鋪面，同對面大家姐一樣，為咗賺錢，破壞地球，毫無企業良。講返食物，叫咗個牛肚河，其實味道是ok的，牛肚切得細細薄薄，河粉爽口，辣油夠香。店由年青人開，用裝滷水料個筒做燈罩見店面設計上嘅心思，但金屬及木板的硬櫈不好坐，灰色的枱面令人食慾大減。侍應們在店內食老麥大聲吹水講哂粗口，完全無專重自己客人同間鋪。最近見可能雜誌介紹過，多咗人幫襯，門口仲賣埋蘿白牛腩，但當然又係用即棄碗。絕無下次，就算我住樓上