影片
更多
2020-09-01
84 瀏覽
呢間全球50大最佳漢堡店🍔係香港有3間分店不過都係以港島區為主，而今次幫襯既係位於灣仔酒吧街既始創店，無論係門面抑或店內黑白地板⬛️⬜️同高凳都非常美式，比起中環同西環兩間分店額外多加幾分酒吧既味道🍻值得一提既係店內既外籍員工非常友善，落單期間不時面帶笑容😃又會主動覆單，上桌後一句發自內心既祝福「Enjoy!」，大概係西式餐廳先至感受得到🥰******************************✨雙層芝士牛肉漢堡包🐮🍔 ($139)呢度既漢堡包係法國牛油包，由一位法籍米芝蓮糕餅總廚提供既配方而製，而呢條配方居然索價成百萬蚊😧 漢堡包食落甜甜地，鬆軟得黎幾實淨；而配料就有紅洋蔥🧅、蕃茄🍅、生菜🥬、酸瓜🥒同芝士🧀，既新鮮亦令漢堡包清新而不膩，連埋醬汁黎食居然好有Subway既味道😂另外當然唔少得介紹主角 — 兩塊份量十足既漢堡扒🤩 呢度所有漢堡扒都係選用USDA美國優質黑安格斯牛肉，再以紅酒🍷同牛油🧈烹製，牛味香濃而肉質柔嫩，每咬一啖都覺得好juicy😋由於呢度漢堡包實在太足料，無從入口要點樣咬🤣，食完呢餐之後更加係飽足成個下晝🙈-✨雜菌蘑菇漢堡包🍔 ($89，另加煎蛋+$13)本身呢款係
呢間全球50大最佳漢堡店🍔係香港有3間分店不過都係以港島區為主，而今次幫襯既係位於灣仔酒吧街既始創店，無論係門面抑或店內黑白地板⬛️⬜️同高凳都非常美式，比起中環同西環兩間分店額外多加幾分酒吧既味道🍻
值得一提既係店內既外籍員工非常友善，落單期間不時面帶笑容😃又會主動覆單，上桌後一句發自內心既祝福「Enjoy!」，大概係西式餐廳先至感受得到🥰
******************************
✨雙層芝士牛肉漢堡包🐮🍔 ($139)
呢度既漢堡包係法國牛油包，由一位法籍米芝蓮糕餅總廚提供既配方而製，而呢條配方居然索價成百萬蚊😧
漢堡包食落甜甜地，鬆軟得黎幾實淨；而配料就有紅洋蔥🧅、蕃茄🍅、生菜🥬、酸瓜🥒同芝士🧀，既新鮮亦令漢堡包清新而不膩，連埋醬汁黎食居然好有Subway既味道😂
另外當然唔少得介紹主角 — 兩塊份量十足既漢堡扒🤩 呢度所有漢堡扒都係選用USDA美國優質黑安格斯牛肉，再以紅酒🍷同牛油🧈烹製，牛味香濃而肉質柔嫩，每咬一啖都覺得好juicy😋
由於呢度漢堡包實在太足料，無從入口要點樣咬🤣，食完呢餐之後更加係飽足成個下晝🙈
-
✨雜菌蘑菇漢堡包🍔 ($89，另加煎蛋+$13)
本身呢款係素食漢堡包，因為本人比較大食擔心佢滿足唔到我個胃所以加左隻煎蛋🍳🤣
撇除煎蛋同漢堡扒，呢款漢堡包配料同上一款一樣，只係漢堡扒以切碎既雜菌粒取替
雜菌扒食落去好有菇味😍，不過黏合能力相對較差，食既時候容易散開要小心食🙈 另外亦因為菇菌會出水，鋪左雜菌扒既個一面漢堡包淋左，無咁好食😅
-
✨招牌沙律🥗(跟餐) (單點$59)
呢餐咁heavy當然要食返d蔬菜🥬 平衡一下🙆🏻♀️ 原以為跟餐份量會比較少，估唔到居然會跟正常size🙈
沙律份量都幾多，有蕃茄🍅、青瓜🥒、雜菜🥬，不過某兩種菜食落偏苦😣 至於意式香草醋就分開送上，可以按個人需要添加
-
✨ 薯堡(跟餐) (單點$39)
薯堡份量同樣不少，其實係將薯餅整成球狀，每一粒炸至金黃色，食落幾脆口；可惜lunch set飲品無得揀啤酒🍺，如果可以配啤酒咁食，應該會更爽😝
-
✨甜蕃薯條🍠 ($49)
因為鐘意食蕃薯，見到呢度有甜蕃薯條即刻😍，決定要單點一份
甜蕃薯條既粗幼度同平時食開既薯條🍟一樣，只係蕃薯水分💧較多，食落會比薯條淋身，不過味道夠甘甜，無損我對佢既喜愛😋
-
✨曲奇奶昔🍹(升級+$31)
本身lunch set包既飲品只有罐裝汽水🥤/水，加31蚊可以升級轉做朱古力/士多啤梨/曲奇/香草味奶昔🍹
今次揀左曲奇味，略嫌oreo碎比較少味道唔夠突出，同埋餅碎偏淋，飲落口感不夠😣
值得一提既係呢度用既係可食用飲筒夠晒環保👍🏻 飲筒質地似係木薯製成，不過飲到最後因為浸係奶昔入面太耐而軟到爛左🙈
******************************👧🏻人均消費：$160
😋味道指數：4/5
💰抵食指數：3.5/5
🪑環境指數：3.5/5
💁🏻♀️服務指數：3.5/5
👍🏻再訪指數：4/5
-
📍Burger Joys
地址：灣仔駱克道42-50號君悅居地下E舖
⏰營業時間：11:00–06:00 (Mon–Sun)
(📍中環、西環亦有分店，營業時間或有所不同)
張貼
