蕃茄仔

呢條街其實好多野食，平日lunch time時間大部分餐廳都要等位，呢間小店入面位唔多，大家都在出面排隊。等位期間都見到好多人叫外賣自取。

我地2個人等左15-20分鐘倒有位，不過入面坐得比較迫既。首先用手機scan QR code落單，好快就有野食。

叫左炭燒雞扒蕃茄湯葛絲（+$5），個湯底好足料下，好似有好多蕃茄打溶黎做。不過個人覺得可以再酸D。配呢個粉好掛湯，我差不多飲晒個湯。雞扒整得好味過豬扒。個皮煎到又簿又脆，雞肉仲Juicy

呢碗就係豬扒刀削麵加$22有3粒手工芫荽餃。個麵就好有咬口，個餃好勁芫荽味，皮簿滑do do,有驚喜👍🏻

提一提呢度收cash only!