176
33
8
開飯介紹
銅鑼灣的番茄湯專門店，番茄濃湯每天新鮮熬製，湯底吃得出粒粒番茄蓉，茄味十足。配料方面都有十款選擇，最受歡迎包括牛魔王雙拼及特級安格斯牛肩胛。
繼續閱讀
營業時間
今日營業
12:00 - 16:30
18:00 - 21:30
星期一至日
12:00 - 16:30
18:00 - 21:30
以上資料只供參考, 請與餐廳確認詳情
食家推介
相關文章
女友黎開呢頭就上網搵下附緊邊間有良心既舖頭值得一去，最後一揀再揀之下衝左去呢間，時間尚早入到去唔駛等位，如果晏多少少或者繁忙時間黎最好預多少少時間等位，佢舖頭細細，CWB呢啲高價地段，佢居然用超過一半既地方做廚房水吧都唔會縮減員工位，要讚，入門口就見到少量文宣，唔錯！坐低座位比較近，要適當音量傾偈，唔係會好搔擾到其他人講返啲野食，一定要提當然係自家製蕃茄濃湯底，茄膏茄醬蒜香加青成個精華味道淆左出黎，會令人不其然一啖又一啖咁食，感覺上都健康既，蕃茄又抗氧化又開胃，酸酸甜甜咁，如果你鍾意食🍅，真係一定要黎幫襯下!炭燒風味雞扒蕃茄濃湯上海麵$68佢個雞我不得不重點稱讚，炭燒味濃厚，入口雞皮同外層竟然浸左湯都係脆既，咬落去仍然有Juicy既口感，份量大概4-5舊，麵就足夠普通人岩岩好既份量，不得了，我會ＥｎＣＯＲＥ再黎秘製豬扒鮮茄濃湯刀削麵$68豬扒厚身，口感一流，醃肉入味恰到好處，刀削麵粗幼度岩岩好，由於個蕃茄濃湯真係濃，所以啲湯掛哂上個麵到，麵與汁一齊入口，感覺昇華左一個層次
繼續閱讀
蕃茄仔 Red Object店鋪較細，座位唔多 ，晚飯時間要等一等先有得入去食。🍅呢到嘅蕃茄湯真係將啲蕃茄打到溶晒，每一啖都係清爽但濃郁嘅新鮮蕃茄味，就咁飲晒成碗湯落肚都冇問題👍🏻我就成碗湯飲晒啦🥩特級安格斯牛肩胛 $70牛肩胛肉燒得好香，好有牛味，不過作為鐘意食多啲餸嘅人，就略嫌牛肉份量唔太夠。要加餸先會食得開心啲😂炭烤風味雞扒+嫩肉雞胸雞扒個皮烤到好香脆，有炭香味，另外加嘅雞胸肉都唔會好鞋。
繼續閱讀
前排係ig 成日見到呢間嘅蕃茄麪，濃郁嘅蕃茄湯底都幾吸引到我，bookmark咗呢間店一段時間，早排經過見到冇人排隊就入去試下啦~特級安格斯牛肩胛 HK70呢個牛肩胛牛味好濃，牛肩胛嘅份量唔係好多，要就住就住咁食，唔捨得咁快食曬；湯底係好濃嘅蕃茄湯，配堆刀削麪一齊食，味道唔錯~煙燻芝士雞柳 HK$72呢個一上枱就有堆黑人問號係頭上，本身以為雞柳入面有塊流心芝士好吸引，但點知雞柳同芝士係分開嘅；雞柳嘅份量比起牛肩胛多，份量正常；呢個我地揀咗蕃茄湯底配上海麪，平時偏好食開粗麪嘅我都覺得幼麪幾好食~整體感覺呢個蕃茄湯一直bookmark 住都對佢有啲期望，味道係唔錯，但未至於好似其他人講到咁好食~同埋以一碗麫嘅價錢黎講都算偏貴~
繼續閱讀
同朋友落銅鑼灣，諗唔到食乜，就決定行黎希雲街look look ，最後就決定試依間red object!1. 炭燒風味雞扒蕃茄濃湯刀削麵我叫左個炭燒風味雞扒蕃茄濃湯刀削麵配自家製蕃茄湯底，用左大量新鮮蕃茄煮，湯底非常濃郁，好似西式蕃茄濃湯🍅🍅🍅，酸酸地又有種健康感覺，配上刀削麵，非常掛汁，而且麵質非常煙靭，好好味😋，另外雞扒有4-5塊，雞肉嫰滑好juicy，仲有少少炭燒味，yummy yummy 👍🏻! 鐘意蕃茄既朋友，必定要黎食，十分推薦！ 2.特級安格斯牛肩胛上海麵我朋友點左特級安格斯牛肩胛上海麵，麵質比較幼但同樣好味，而牛肉味重，靚牛！不過環境有少少逼，因位置不大，但簡單食又係一間唔錯既選擇！
繼續閱讀
呢間主打蕃茄湯底嘅小店真心幾出名👍🏻 之前嚟希雲街食甜品成日都見佢大排長龍，今次特登趁佢開門到訪就唔使排隊(❛◡❛✿) 不過去到12:30都全店滿座，可能大家都要預少少時間等位🫣自己嗌咗份秘製豬扒鮮茄濃湯刀削麵 ($68) 🍅蕃茄湯真心好出色😳佢個湯飲落去係酸酸甜甜，而且有好多蕃茄蓉，所以飲落去真心超～濃郁✧*｡٩(ˊᗜˋ*)و✧*｡ 而且因為好濃稠，其實自己覺得叫蕃茄沾麵都不為過🤪 刀削麵夠粗，所以將佢哋嘅蕃茄湯掛晒上去，食落去真係啖啖蕃茄味❤️ 最估唔到嘅係塊豬扒都唔錯，夠厚身，咬落軟稔，而且煎得好香🐷 朋友嘅炭烤雞扒鮮茄濃湯刀削麵 ($68)一樣咁正，不過雞扒食落去冇豬扒咁軟稔，外皮浸到湯就冇咁脆，呢樣就爭咁啲，自己比較鍾意豬扒😛 額外加嘅野生菇菌 (+$18) 都有5-6款菇，不過價錢略貴，感覺就咁食麵會抵食啲😂但整體嚟講都算幾合理嘅定價，而且夠足料，上菜速度都算快，推介所有蕃茄控一試🤤
繼續閱讀