老百姓火鍋刺身 (已結業)

今次黎到深水埗揾野食，行到內街就見到呢間叫老百姓既打邊爐舖，間野離地鐵站都幾遠下，但d野食又幾新鮮唔錯，性價比黎講都算幾高，不往我行咁遠黎食呀。環境方面，冷氣十分之夠，打過邊爐既就知道，冷氣係幾咁重要，唔單止係熱咁簡單，仲係打邊爐氛既關鍵，所以呢間7,800呎既舖，就裝左成8部大金冷氣，見住d冷風霧吹出黎，真係一年四季都可以打邊爐呀，同有自動玻璃門，自動關門唔洗食到出面大馬路既灰塵，環境都好乾淨企理，唔錯。啤酒方面，打邊爐最重要既野飲，會用冰桶裝住冷凍住，好正，唔似得出面咁，就咁雪櫃拎出黎，飲到一半都暖曬。呢d細節位做得十分之出色。肥牛方面，解凍得岩岩好，拎出黎唔會有d白冰係表，同埋又唔會解凍到成盆血水，拎出黎夠乾身，呢d牛打出黎就有十足牛味，同沾到湯底味。